പയ്യാവൂരിൽ ഉരുൾപൊട്ടി; ​ശ്രീകണ്ഠപുരം മേഖല വെള്ളത്തിൽ

ശ്രീകണ്​ഠപുരം: കണ്ണൂർ ജില്ലയിലെ പയ്യാവൂര്‍ ചീത്തപ്പാറയിലും കുടിയാൻമലയിലും വനമേഖലയില്‍ ഉരുള്‍പൊട്ടി. ശനിയാഴ്​ച പുലര്‍ച്ചെ ഒരു മണിയോടെയാണ് സംഭവം. ഇതേത്തുടർന്ന്​ ശ്രീകണ്ഠാപുരം, ചെങ്ങളായി, പൊടിക്കളം തുടങ്ങിയ പ്രദേശങ്ങളിൽ വെള്ളം കയറി.

ശ്രീകണ്ഠാപുരം ടൗണിലെ വ്യാപാര സ്ഥാപനങ്ങളും ചെങ്ങളായി മേഖലയില്‍ വീടുകളും വെള്ളത്തിനടിയിലായി. നിരവധി കുടുംബങ്ങളെ മാറ്റി പാര്‍പ്പിച്ചു. തളിപ്പറമ്പ് -ഇരിട്ടി സംസ്ഥാന പാതയില്‍ ഗതാഗതം തടസ്സപ്പെട്ടു.

ശക്തമായ മഴയില്‍ ചപ്പാരപ്പടവ് നഗരം വെള്ളത്തില്‍ മുങ്ങി. ഇന്നലെ അര്‍ധ രാത്രി മുതലാണ് വെള്ളം കയറാന്‍ തുടങ്ങിയത്. നഗരത്തിലെ വ്യാപാര സ്ഥാപനങ്ങളിലും തേറണ്ടി, അരിപ്പാമ്പ്ര പ്രദേശങ്ങളിലെ നിരവധി വീടുകളിലും വെള്ളം കയറി.