ദേശീയപാതക്കായി വീണ്ടും ഭൂമി ഏറ്റെടുത്തേക്കും

ആ​ല​പ്പു​ഴ: ദേ​ശീ​യ​പാ​ത 66 ന​വീ​ക​ര​ണ​ത്തി​നാ​യി ജി​ല്ല​യി​ലെ പ്ര​ധാ​ന ക​വ​ല​ക​ളി​ൽ വീ​ണ്ടും ഭൂ​മി ഏ​റ്റെ​ടു​ത്തേ​ക്കും. ​ബ​സ്​ ബേ​ക​ളു​ടെ നി​ർ​മാ​ണ​ത്തി​നാ​യാ​ണ്​ വീ​ണ്ടും ഭൂ​മി ആ​വ​ശ്യ​മാ​യി വ​രു​ന്ന​ത്. പ്ര​ധാ​ന പാ​ത​യു​ടെ നി​ർ​മാ​ണം പൂ​ർ​ത്തി​യാ​കു​ന്ന​തി​ന​നു​സ​രി​ച്ചേ ബ​സ് ബേ​യ്ക്കു​ള്ള ന​ട​പ​ടി​ക​ൾ ആ​രം​ഭി​ക്കു​ക​യു​ള്ളൂ. ഒ​രോ സ്ഥ​ല​ത്തി​ന് അ​നു​സ​രി​ച്ചാ​കും ബ​സ് ബേ​യു​ടെ നീ​ളം ക​ണ​ക്കാ​ക്കു​ക. അ​ത​നു​സ​രി​ച്ചാ​കും ഭൂ​മി ഏ​റ്റെ​ടു​ക്ക​ൽ.

2025 ഫെ​ബ്രു​വ​രി​യി​ൽ നി​ർ​മാ​ണം പൂ​ർ​ത്തി​യാ​കു​ന്ന വി​ധ​ത്തി​ലാ​ണ് ദേ​ശീ​യ​പാ​ത വി​ക​സ​നം ന​ട​ക്കു​ന്ന​തെ​ന്നാ​ണ്​ അ​ധി​കൃ​ത​ർ പ​റ​യു​ന്ന​ത്. കൊ​ല്ലം, തി​രു​വ​ന​ന്ത​പു​രം ജി​ല്ല​ക​ളെ അ​പേ​ക്ഷി​ച്ച്​ ആ​ല​പ്പു​ഴ​യി​ൽ നി​ർ​മാ​ണ​ത്തി​ന്​ വേ​ഗ​ത കു​റ​വാ​ണ്. പ്ര​ധാ​ന പാ​ത​യും ഇ​രു​വ​ശ​വു​മു​ള്ള സ​ർ​വീ​സ് റോ​ഡു​ക​ളു​ടെ നി​ർ​മാ​ണ​വും ഒ​രേ സ​മ​യ​മാ​ണ്​ ന​ട​ന്നു​വ​രു​ന്ന​ത്. സ​ർ​വീ​സ്​ റോ​ഡു​ക​ളു​ടെ നി​ർ​മാ​ണം പൂ​ർ​ത്തി​യാ​യ ശേ​ഷ​മാ​യി​രി​ക്കും ബ​സ്​​ബേ​ക​ൾ നി​ർ​മി​ക്കു​ക. വീ​തി​കു​റ​വു​ള്ള സ്ഥ​ല​ങ്ങ​ളി​ലാ​ണ്​ ബ​സ്​​ബേ​ക​ൾ​ക്കാ​യി ഭൂ​മി ഏ​റ്റെ​ടു​ക്കു​ക.

ദേ​ശീ​യ​പാ​ത ആ​റു​വ​രി​യാ​യി വി​ക​സി​പ്പി​ക്കു​ന്ന​തി​നാ​വ​ശ്യ​മാ​യ സ്ഥ​ല​മാ​ണ് നി​ല​വി​ൽ ഏ​റ്റെ​ടു​ത്തി​ട്ടു​ള്ള​ത്. ഇ​തി​ൽ ബ​സ് ബേ​യ്ക്കു​ള്ള സ്ഥ​ലം ഉ​ൾ​പ്പെ​ട്ടി​ട്ടി​ല്ല. ആ​റു​വ​രി​പ്പാ​ത നി​ർ​മാ​ണം പൂ​ർ​ത്തി​യാ​കു​മ്പോ​ഴാ​ണ് ബ​സ് ബേ ​നി​ർ​മി​ക്കു​ക. ഇ​തി​നാ​വ​ശ്യ​മാ​യ സ്ഥ​ലം അ​തി​ന​നു​സ​രി​ച്ച് ഏ​റ്റെ​ടു​ക്കും.

ഓ​രോ പ്ര​ദേ​ശ​ത്തെ​യും യാ​ത്ര​ക്കാ​രു​ടെ തി​ര​ക്കി​ന് ക​ണ​ക്കാ​ക്കി​യാ​യി​രി​ക്കും ബ​സ് ബേ​യു​ടെ നീ​ളം നി​ശ്ച​യി​ക്കു​ക. സ്ഥ​ലം ഏ​റ്റെ​ടു​പ്പും ഇ​ത​നു​സ​രി​ച്ചാ​കും. ഏ​റ്റെ​ടു​ക്കു​ന്ന ഭൂ​മി​ക്കും വ​സ്തു​വ​ക​ക​ൾ​ക്കും വ​ലി​യ​തോ​തി​ൽ പ്ര​തി​ഫ​ലം ന​ൽ​കു​ന്ന​തി​നാ​ൽ അ​വ വി​ട്ടു ന​ൽ​കു​ന്ന​തി​ന്​ നാ​ട്ടാ​കാ​ർ വി​മു​ഖ​ത കാ​ട്ടു​ന്നി​ല്ല. ഇ​ത്​ എ​ൻ.​എ​ച്ച്​ അ​തോ​റി​ട്ടി​ക്ക്​ അ​നു​ഗ്ര​ഹ​മാ​യി​രി​ക്കു​ക​യാ​ണ്.

പ്ര​ധാ​ന നി​ർ​മാ​ണം പാ​ല​ങ്ങ​ളു​ടേ​ത്​

ദേ​ശീ​യ​പാ​ത​ക്കാ​യി ഏ​റ്റ​വും വ​ലി​യ നി​ർ​മാ​ണ​ങ്ങ​ൾ ന​ട​ക്കു​ന്ന​ത്​ പാ​ല​ങ്ങ​ൾ​ക്കും മേ​ൽ​പാ​ല​ങ്ങ​ൾ​ക്കു​മാ​യാ​ണ്. മ​റ്റി​ട​ങ്ങ​ളി​ൽ മ​ണ്ണി​ട്ട്​ ഉ​യ​ർ​ത്ത​ലും നി​ര​പ്പാ​ക്ക​ലും ഓ​ട നി​ർ​മാ​ണ​വു​മേ ഉ​ള്ളൂ. ജി​ല്ല​യി​ൽ പാ​ലം, അ​ടി​പ്പാ​ത, മേ​ൽ​പാ​ലം തു​ട​ങ്ങി​യ​വ​യു​ടെ നി​ർ​മാ​ണം വി​വി​ധ ഘ​ട്ട​ങ്ങ​ളി​ലാ​ണ്. ആ​ല​പ്പു​ഴ ബൈ​പ്പാ​സ്, കാ​ക്കാ​ഴം മേ​ൽ​പ്പാ​ലം, തോ​ട്ട​പ്പ​ള്ളി, ക​രു​വാ​റ്റ ക​ന്നു​കാ​ലി​പാ​ലം, ഡാ​ണാ​പ​ടി​പ്പാ​ലം എ​ന്നി​വ​യാ​ണ്​ ജി​ല്ല​യി​ലെ പ്ര​ധാ​ന പാ​ല​ങ്ങ​ൾ. ഇ​വ​യു​ടെ നി​ർ​മ്മാ​ണം രാ​വും പ​ക​ലു​മാ​യി ന​ട​ക്കു​ക​യാ​ണ്. ഇ​തോ​ടൊ​പ്പം 12.75 കി​ലോ​മീ​റ്റ​ർ വ​രു​ന്ന അ​രൂ​ർ-​തു​റ​വൂ​ർ ആ​കാ​ശ​പാ​ത​യു​ടെ നി​ർ​മാ​ണ​വും പു​രോ​ഗ​മി​ക്കു​ന്നു.

തു​റ​വൂ​രി​ൽ ഉ​യ​ര​പാ​ത​യി​ലേ​ക്ക്​ ക​യ​റു​ന്ന​തി​നും ഇ​റ​ങ്ങു​ന്ന​തി​നും സൗ​ക​ര്യം ഒ​രു​ക്കു​ന്നി​ട​ങ്ങ​ളി​ലും ഭൂ​മി ഏ​റ്റെ​ടു​ക്കും. എ​റ​ണാ​കു​ളം ഇ​ട​പ്പ​ള്ളി - അ​രൂ​ർ എ​ലി​വേ​റ്റ​ഡ് ഹൈ​വേ​യ്ക്കു​ള്ള സാ​ധ്യ​ത പ​രി​ശോ​ധി​ക്കു​ക​യാ​ണെ​ന്ന് പൊ​തു​മ​രാ​മ​ത്ത്​ മ​ന്ത്രി മു​ഹ​മ്മ​ദ്​ റി​യാ​സ്​ വ്യ​ക്ത​മാ​ക്കി​യി​ട്ടു​ണ്ട്. പ്ര​ധാ​ന ജ​ങ്​​ഷ​നു​ക​ളി​ലെ​ല്ലാം അ​ടി​പ്പാ​ത​ക​ൾ നി​ർ​മി​ക്കേ​ണ്ട​തി​നാ​ൽ അ​ത​നു​സ​രി​ച്ച്​ പ്ര​ധാ​ന റോ​ഡ്​ ഉ​യ​ർ​ത്തു​ന്ന​തി​ന്​ വ​ലി​യ​തോ​തി​ൽ മ​ണ്ണ്​ ആ​വ​ശ്യ​മാ​യി​വ​രു​ന്നു​ണ്ട്.

നി​ർ​മി​ക്കേ​ണ്ട​ത്​ 75 പാ​ല​ങ്ങ​ൾ

ജി​ല്ല​യി​ൽ ചെ​റു​തും വ​ലു​തു​മാ​യ 75 പാ​ല​ങ്ങ​ളാ​ണ് ദേ​ശീ​യ​പാ​ത ന​വീ​ക​ര​ണ​ത്തി​ന്റെ ഭാ​ഗ​മാ​യി പു​ന​ർ​നി​ർ​മി​ക്കു​ന്ന​ത്. തോ​ട്ട​പ്പ​ള്ളി സ്പി​ൽ​വേ ചാ​ന​ലി​ലെ പു​തി​യ പാ​ലം, ബൈ​പ്പാ​സി​ലെ സ​മാ​ന്ത​ര മേ​ൽ​പാ​ത എ​ന്നി​വ​യാ​ണ്​ പ്ര​ധാ​ന പാ​ല​ങ്ങ​ൾ.

തോ​ട്ട​പ്പ​ള്ളി സ്പി​ൽ​വേ പു​തി​യ പാ​ലം നി​ർ​മാ​ണ​ത്തി​ന്റെ പൈ​ലി​ങ്​ ന​ട​ന്നു​വ​രു​ന്നു. നി​ല​വി​ലെ പാ​ല​ത്തി​ന് സ​മാ​ന്ത​ര​മാ​യി ദേ​ശീ​യ ജ​ല​പാ​ത​യി​ലെ പു​ത്ത​ൻ പാ​ല​വു​മാ​യി ബ​ന്ധി​പ്പി​ച്ച് 444 മീ​റ്റ​ർ നീ​ള​ത്തി​ലാ​ണ് പാ​ലം നി​ർ​മാ​ണം. 380 പൈ​ലു​ക​ളാ​ണ് നി​ർ​മി​ക്കേ​ണ്ട​ത്. ക​ര​യി​ലു​ള്ള പൈ​ലി​ങാ​ണ് പു​രോ​ഗ​മി​ക്കു​ന്ന​ത്. ജ​ലാ​ശ​യ​ത്തി​ലെ പൈ​ലി​ങി​നു​ള്ള യ​ന്ത്ര​ങ്ങ​ൾ എ​ത്തി​യ​തി​നാ​ൽ വൈ​കാ​തെ ജോ​ലി ആ​രം​ഭി​ക്കും.

ബൈ​പ്പാ​സി​ലെ സ​മാ​ന്ത​ര​പാ​ത​യു​ടെ തൂ​ണു​ക​ളു​ടെ നി​ർ​മാ​ണം അ​വ​സാ​ഘ​ട്ട​ത്തി​ലാ​ണ്. ഇ​തി​ന്റെ ഭാ​ഗ​മാ​യ മേ​ൽ​പ്പാ​ല​ത്തി​ന്റെ നീ​ളം 3.43 കി​ലോ​മീ​റ്റ​റാ​ണ്. 96തൂ​ണു​ക​ൾ പൂ​ർ​ത്തീ​ക​രി​ച്ചു. ഗ​ർ​ഡ​റു​ക​ളും ത​യാ​റാ​യി​ട്ടു​ണ്ട്. അ​വ സ്ഥാ​പി​ക്കു​ന്ന ജോ​ലി വൈ​കാ​തെ ആ​രം​ഭി​ക്കും. 14മീ​റ്റ​ർ വീ​തി​യി​ൽ മൂ​ന്ന് വ​രി പാ​ത​യാ​ണ് പു​തി​യ​താ​യി നി​ർ​മി​ക്കു​ന്ന​ത്. കാ​ക്കാ​ഴം റെ​യി​ൽ​വേ മേ​ൽ​പാ​ലം, ക​രു​വാ​റ്റ ക​ന്നു​കാ​ലി പാ​ലം, ഡാ​ണാ​പ്പ​ടി പാ​ലം എ​ന്നി​വ​യു​ടെ പൈ​ലി​ങ്​ അ​വ​സാ​ന​ഘ​ട്ട​ത്തി​ലാ​ണ്.

കുത്തിയതോട്ടിലെ സമാന്തര പാലത്തിന് ഉയരമില്ല; ജലയാത്രികർ ആശങ്കയിൽ

തു​റ​വൂ​ർ : തു​റ​വൂ​ർ - അ​രൂ​ർ ഉ​യ​ര​പ്പാ​ത നി​ർ​മ്മാ​ണ​ത്തി​ന്റെ ഭാ​ഗ​മാ​യി ഗ​താ​ഗ​തം തി​രി​ച്ചു​വി​ടു​ന്ന​തി​ന് നാ​ലു​വ​രി പാ​ത​യി​ലു​ള്ള കു​ത്തി​യ​തോ​ട് പാ​ല​ത്തി​ന് സ​മാ​ന്ത​ര​മാ​യി നി​ർ​മ്മി​ക്കു​ന്ന പാ​ലം ജ​ല​ഗ​താ​ഗ​ത​ത്തി​ന് ത​ട​സ്സ​മു​ണ്ടാ​ക്കു​മെ​ന്ന്​​ ആ​ശ​ങ്ക. കു​ത്തി​യ​തോ​ട് പൊ​ലീ​സ് സ്റ്റേ​ഷ​ൻ​ന്‍റെ മു​മ്പി​ൽ സ​മാ​ന്ത​ര പാ​ലം നി​ർ​മി​ക്കു​ന്ന​തി​ന് പ്രാ​രം​ഭ പ്ര​വ​ർ​ത്ത​ന​ങ്ങ​ൾ ന​ട​ന്നു​വ​രി​ക​യാ​ണ്. നി​ർ​മാ​ണം ആ​രം​ഭി​ച്ച​പ്പോ​ൾ​ത​ന്നെ മ​ത്സ്യ​ത്തൊ​ഴി​ലാ​ളി​ക​ളും നാ​ട്ടു​കാ​രും ആ​ശ​ങ്ക​യി​ലാ​യി​രി​ക്കു​ക​യാ​ണ്. വ​ർ​ഷ​ങ്ങ​ളോ​ളം നീ​ളു​ന്ന നി​ർ​മ്മാ​ണ പ്ര​വ​ർ​ത്ത​ന​ങ്ങ​ൾ തോ​ട്ടി​ലൂ​ടെ​യു​ള്ള ജ​ല​ഗ​താ​ഗ​ത​ത്തെ പാ​ടെ ഇ​ല്ലാ​താ​ക്കു​മെ​ന്നാ​ണ് ആ​ശ​ങ്ക.

പ​ള്ളി​ത്തോ​ട്, ചെ​ല്ലാ​നം, ത​ഴു​പ്പ്, കോ​ടം​തു​രു​ത്തി​ന്റെ തീ​ര​പ്ര​ദേ​ശ​ങ്ങ​ളി​ൽ നി​ന്ന് നൂ​റു​ക​ണ​ക്കി​ന് മ​ത്സ്യ​ത്തൊ​ഴി​ലാ​ളി​ക​ളാ​ണ് വ​ള്ള​ത്തി​ൽ വേ​മ്പ​നാ​ട്, കൈ​ത​പ്പു​ഴ, കു​റു​മ്പി കാ​യ​ലു​ക​ളി​ലേ​ക്ക് ദി​വ​സേ​ന ക​ട​ന്നു​പോ​കു​ന്ന​ത്. വി​നോ​ദ​സ​ഞ്ചാ​ര​ത്തി​ന്റെ ഭാ​ഗ​മാ​യി കു​ത്തി​യ തോ​ട്ടി​ലൂ​ടെ നി​ര​വ​ധി ജ​ല​യാ​ന​ങ്ങ​ളും സ​ഞ്ച​രി​ക്കാ​റു​ണ്ട്. കു​ത്തി​യ​തോ​ട് തോ​ട്ടി​ലൂ​ടെ വ​ള്ള​ങ്ങ​ൾ​ക്ക് ക​ട​ന്നു പോ​കു​വാ​ൻ ക​ഴി​യു​ന്ന വി​ധ​ത്തി​ൽ ര​ണ്ടു​മീ​റ്റ​ർ ഉ​യ​ര​ത്തി​ലെ​ങ്കി​ലും താ​ൽ​ക്കാ​ലി​ക പാ​ലം പ​ണി​യ​ണ​മെ​ന്നാ​ണ് ആ​വ​ശ്യം.

റോ​ഡ് സൗ​ക​ര്യ​മി​ല്ലാ​ത്ത തീ​ര​ദേ​ശ​വാ​സി​ക​ൾ​ക്ക് നി​ർ​മ്മാ​ണാ​വ​ശ്യ​ത്തി​ന് സാ​ധ​ന​സാ​മ​ഗ്രി​ക​ൾ എ​ത്തി​ക്കു​ന്ന​തും വ​ലി​യ വ​ള്ള​ങ്ങ​ളി​ലാ​ണ്. ഇ​തും പ്ര​തി​സ​ന്ധി​യി​ലാ​കും. ഇ​ക്കാ​ര്യം ചൂ​ണ്ടി​ക്കാ​ട്ടി എം.​പി, എം.​എ​ൽ.​എ, ജി​ല്ല ക​ല​ക്ട​ർ, ദേ​ശീ​യ​പാ​ത അ​ധി​കൃ​ത​ർ, ഇ​റി​ഗേ​ഷ​ൻ വ​കു​പ്പ് അ​ധി​കൃ​ത​ർ എ​ന്നി​വ​ർ​ക്ക് ജെ.​എ​സ്.​എ​സ് പ​രാ​തി ന​ൽ​കി.