Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightMarayoorchevron_rightആദിവാസികൾക്ക്​...

ആദിവാസികൾക്ക്​ ഉപാധിരഹിത പട്ടയം; സംഘടനകൾക്കിടയിൽ ഭിന്നത

text_fields
bookmark_border
ആദിവാസികൾക്ക്​ ഉപാധിരഹിത പട്ടയം; സംഘടനകൾക്കിടയിൽ ഭിന്നത
cancel

തൊടുപുഴ: വിവിധ ജില്ലകളിൽ ആദിവാസികൾക്ക് ഉപാധിരഹിത പട്ടയം നൽകുന്നതുമായി ബന്ധപ്പെട്ട്​ ആദിവാസി സംഘടനകൾക്കിടയിൽ ഭിന്നാഭിപ്രായം. വനാവകാശമുള്ള ഭൂമി റവന്യൂ ഭൂമിയാകുന്നതോടെ, ആദിവാസികൾക്ക്​വനവിഭവങ്ങളുടെ മേലുള്ള എല്ലാ അവകാശങ്ങളും നഷ്​ടപ്പെടുമെന്ന് ആദിവാസി ഗോത്ര മഹാസഭ സ്​റ്റേറ്റ്​ കോഓഡി​േനറ്റർ എം. ഗീതാനന്ദൻ പറയു​േമ്പാൾ ഇത്തരം നിലപാടുകൾ ആദിവാസികൾക്കെതിരും ആദിവാസി വിരുദ്ധവുമാണെന്ന്​ ആദിവാസി ഫോറവും ഐക്യമല അരയ മഹാസഭയും ആ​ക്ഷേപം ഉന്നയിക്കുന്നു. ഇടുക്കി, കോട്ടയം, പത്തനംതിട്ട, എറണാകുളം ജില്ലകളിലാണ്​ ആദിവാസികൾക്ക്​ പട്ടയം നൽകുന്നതിന്​ സർക്കാർ തീരുമാനം.

വനത്തിലുള്ള സാമൂഹികാവകാശം നഷ്​ടപ്പെടും –ഗോത്രമഹാസഭ

ആദിവാസികൾക്കുള്ള വനവിഭവങ്ങളുടെ മേലുള്ള എല്ലാ അവകാശങ്ങളും നഷ്​ടപ്പെടുകയാകും ഇതിലൂടെ സംഭവിക്കുന്ന​തെന്ന്​ ആദിവാസി ഗോത്ര മഹാസഭ കോഓഡി​േനറ്റർ എം. ഗീതാന്ദൻ ചൂണ്ടിക്കാട്ടുന്നു. ആദിവാസി ഊര്കൂട്ടങ്ങൾ എന്നനിലയിൽ ഗ്രാമസഭകൾക്ക് വനത്തിലുള്ള എല്ലാ സാമൂഹികാവകാശങ്ങളും റദ്ദാക്കപ്പെടും. ​മുതുവാൻ, മന്നാൻ, ഉള്ളാടർ, ഊരാളി, മലപണ്ടാരം, മലഅരയർ, കാണിക്കാർ തുടങ്ങിയ ആദിവാസികൾക്ക് വനത്തെ ആശ്രയിച്ച് ഉപജീവനം അസാധ്യമാകും.

ആദിവാസി വനാവകാശം റദ്ദാക്കുന്നത് അതിരപ്പള്ളി പദ്ധതിക്കുള്ള മുന്നൊരുക്കമാണെന്നും ഇവർ ആരോപിച്ചു. അതിരപ്പള്ളി ജലവൈദ്യുതി പദ്ധതിക്ക് തടസ്സംനിന്നത് ഊര് കൂട്ടമായിരുന്നു.

ഊര് കൂട്ടത്തി​​െൻറ വനാവകാശം ഘട്ടംഘട്ടമായി റദ്ദാക്കി, അതിരപ്പള്ളി പദ്ധതി നടപ്പാക്കുന്നതിന്​ ഗൂഢതാൽപര്യം നിയമവകുപ്പിനുണ്ട്. ഭൂമിയുടെ ക്രയവിക്രയം തീരുമാനിക്കുന്നത് ശക്തരായ റിയൽ എസ്​റ്റേറ്റുകാരും ക്വാറി മാഫിയകളും കൈയേറ്റക്കാരുമാകും. ആദിവാസികൾ പതുക്കെ മലയിറങ്ങേണ്ടിവരുമെന്നും ഗീതാനന്ദൻ തൊടുപുഴയിൽ വാർത്തസമ്മേളനത്തിൽ പറഞ്ഞു. ഇതിനെതിരെ ജൂലൈ ഒന്നിന് ജില്ല കേന്ദ്രങ്ങളിൽ പ്രതിഷേധപരിപാടി നടത്തും.

ജില്ലയിൽ തൊടുപുഴ മിനി സിവിൽ സ്​റ്റേഷന്​ മുന്നിൽ സത്യഗ്രഹം നടത്തുമെന്നും ഇവർ പറഞ്ഞു. വാർത്തസമ്മേളനത്തിൽ സെക്രട്ടറി പി.ജി. ജനാർദനൻ, സംസ്ഥാന പ്രസീഡിയം അംഗം സി.എസ്. ജിയേഷ് എന്നിവർ പ​ങ്കെടുത്തു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Land Issuesm geethanandanTribal Movements
Next Story