വ്യവസായ ആവശ്യങ്ങൾക്ക് ഭൂമി; ചട്ടം പരിഷ്കരിക്കാൻ മന്ത്രിസഭ അനുമതി

തൃ​ശൂ​ർ: വ്യ​വ​സാ​യ -വാ​ണി​ജ്യ ഡ​യ​റ​ക്ട​റേ​റ്റി​ന് കീ​ഴി​ലു​ള്ള എ​സ്റ്റേ​റ്റു​ക​ളി​ലെ ഭൂ​മി​യി​ല്‍ പ​ട്ട​യം അ​നു​വ​ദി​ക്കാ​നും കൈ​മാ​റ്റം ല​ളി​ത​മാ​ക്കാ​നു​മു​ള്ള പു​തി​യ ച​ട്ട​ങ്ങ​ൾ​ക്ക് മ​ന്ത്രി​സ​ഭ​യോ​ഗ​ത്തി​ന്റെ അം​ഗീ​കാ​രം. കേ​ര​ള ഗ​വ​ൺ​മെ​ന്‍റ്​ ലാ​ൻ​ഡ്​​ അ​ലോ​ട്ട്മെ​ന്‍റ്​ ആ​ൻ​ഡ്​​ അ​സൈ​ൻ​മെ​ന്‍റ്​ ഫോ​ർ ഇ​ൻ​ഡ​സ്ട്രി​യ​ൽ പ​ർ​പ്പ​സ് റൂ​ൾ​സ് 2023 അം​ഗീ​ക​രി​ക്കാ​നും തീ​രു​മാ​നി​ച്ചു. ദ​ശാ​ബ്ദ​ങ്ങ​ളാ​യി സം​രം​ഭ​ക​ർ ഉ​ന്ന​യി​ക്കു​ന്ന ആ​വ​ശ്യം ന​ട​പ്പാ​വു​ക​യാ​ണെ​ന്ന്​ വ്യ​വ​സാ​യ​മ​ന്ത്രി പി. ​രാ​ജീ​വ് പ​റ​ഞ്ഞു.​ഭൂ ഉ​ട​മാ​വ​കാ​ശം കൈ​മാ​റാ​നും നി​ശ്ച​യി​ച്ച വ്യ​വ​സാ​യ സം​രം​ഭ​ങ്ങ​ൾ​ക്ക് പ​ക​രം മ​റ്റു സം​രം​ഭ​ങ്ങ​ൾ ആ​രം​ഭി​ക്കാ​നു​മു​ണ്ടാ​യി​രു​ന്ന ത​ട​സ്സ​ങ്ങ​ൾ പ​രി​ഹ​രി​ച്ച് ന​ട​പ​ടി​ക​ൾ ല​ളി​ത​മാ​ക്കു​ന്ന​തു​മാ​ണ് പു​തി​യ ച​ട്ട​ങ്ങ​ളെ​ന്ന്​ മ​ന്ത്രി അ​റി​യി​ച്ചു.

പു​തി​യ ച​ട്ട​ങ്ങ​ള്‍ പ്ര​കാ​രം വ​രു​ന്ന മാ​റ്റ​ങ്ങ​ള്‍:

●നി​ല​വി​ല്‍ ഭൂ​മി കൈ​മാ​റാ​ൻ ഭൂ​മി വാ​ങ്ങു​ന്ന വ്യ​ക്തി ഭൂ​വി​ല​യു​ടെ വ്യ​ത്യാ​സ​വും പ്രോ​സ​സി​ങ് ഫീ​സും അ​ട​ക്ക​ണം. പു​തി​യ ച​ട്ട​പ്ര​കാ​രം ഭൂ​മി വി​ല​യി​ലെ വ്യ​ത്യാ​സം അ​ട​ക്കേ​ണ്ട.

●ഉ​ൽ​പാ​ദ​നം തു​ട​ങ്ങി മൂ​ന്നു​ വ​ര്‍ഷം ക​ഴി​ഞ്ഞാ​ല്‍ മാ​ത്ര​മേ ഭൂ​മി കൈ​മാ​റ്റം ന​ട​ത്താ​ൻ നി​ല​വി​ൽ സം​രം​ഭ​ക​ന് ക​ഴി​യു​മാ​യി​രു​ന്നു​ള്ളൂ. ഇ​നി അ​ലോ​ട്ട്‌​മെ​ന്‍റ്​ ല​ഭി​ച്ച് മൂ​ന്നു​വ​ര്‍ഷം ക​ഴി​ഞ്ഞാ​ല്‍ കൈ​മാ​റാം.

●ഉ​ൽ​പാ​ദ​നം തു​ട​ങ്ങി മൂ​ന്നു​ വ​ര്‍ഷം ക​ഴി​ഞ്ഞാ​ല്‍ മാ​ത്ര​മേ ഘ​ട​ന​മാ​റ്റം ന​ട​ത്താ​വൂ​വെ​ന്ന ച​ട്ടം, അ​ലോ​ട്ട്‌​മെ​ന്‍റ്​ ല​ഭി​ച്ച് മൂ​ന്നു​വ​ര്‍ഷം ക​ഴി​ഞ്ഞാ​ല്‍ എ​ന്ന്​ മാ​റും. ഇ​തോ​ടെ, ഏ​തെ​ങ്കി​ലും കാ​ര​ണ​ത്താ​ല്‍ സം​രം​ഭം തു​ട​ങ്ങാ​ന്‍ ക​ഴി​യാ​ത്ത​വ​ര്‍ക്ക് ഘ​ട​ന​മാ​റ്റ​ത്തി​ലൂ​ടെ പു​തി​യ സം​രം​ഭം തു​ട​ങ്ങാം.

●പു​തി​യ ച​ട്ടം റ​വ​ന്യൂ​വ​കു​പ്പി​ന്‍റെ അം​ഗീ​കാ​ര​ത്തോ​ടെ പു​റ​പ്പെ​ടു​വി​ക്കു​ന്ന​തി​നാ​ല്‍ ക​ല​ക്ട​ര്‍മാ​ര്‍ക്ക് പ​ട്ട​യ അ​പേ​ക്ഷ പ​രി​ഗ​ണി​ക്കാ​ൻ ത​ട​സ്സ​മി​ല്ല.

●നി​ല​വി​ലെ പ​ട്ട​യ​ത്തി​ന്‍റെ മാ​തൃ​ക​യി​ല്‍ (ഫോം ​ഡി VII) വ്യ​വ​സാ​യ സം​രം​ഭ​ത്തി​ന്‍റെ സ്വ​ഭാ​വം വ്യ​ക്ത​മാ​യി പ​റ​യു​ന്നു​ണ്ട്. (ഉ​ദാ: മ​ത്സ്യ​സം​സ്ക​ര​ണം, തീ​പ്പെ​ട്ടി നി​ര്‍മാ​ണം).

പു​തി​യ ച​ട്ട​പ്ര​കാ​രം പ​ട്ട​യ​ത്തി​ല്‍ വ്യ​വ​സാ​യ പ്ര​വ​ർ​ത്ത​ന​മെ​ന്ന് മാ​ത്ര​മേ രേ​ഖ​പ്പെ​ടു​ത്തൂ. ഇ​തു​വ​ഴി, വ്യ​വ​സാ​യ​ത്തി​ന്‍റെ സ്വ​ഭാ​വം മാ​റി​യാ​ലും അ​തി​ന്‍റെ മാ​റ്റം പ​ട്ട​യ​ത്തി​ല്‍ വേ​ണ്ടി​വ​രി​ല്ല.