ഭൂമിവിവാദം: ആല​​ഞ്ചേരിക്ക്​ പിന്തുണയുമായി അരമനക്ക്​ മുന്നിൽ വിശ്വാസിസംഗമം

കൊച്ചി: ഭൂമിവിവാദത്തിൽ ഉലയുന്ന സീറോ മലബാർ സഭ എറണാകുളം-അങ്കമാലി അതിരൂപതയിൽ ബലപരീക്ഷണത്തിനൊരുങ്ങി കർദിനാൾ പക്ഷവും. കോടതി വിധിയുടെ പശ്ചാത്തലത്തിൽ രാജിക്ക്​ സമ്മർദമേറുന്നതിനിടെ ഞായറാഴ്​ച കർദിനാൾ ജോർജ്​ ആലഞ്ചേരിയെ അനുകൂലിക്കുന്നവർ സംഘടിച്ചെത്തി അരമനക്ക്​ മുന്നിൽ വിശ്വാസിസംഗമം നടത്തി. സഹായമെത്രാൻ മാർ സെബാസ്​റ്റ്യൻ എടയന്ത്രത്ത്​ രാജിവെക്കണമെന്നും അവർ ആവശ്യപ്പെട്ടു. ഭൂമി ഇടപാടുമായി ബന്ധപ്പെട്ട നടപടികൾ മുഴുവൻ എടയന്ത്രത്തി​​​െൻറ അറിവോടെയാണ്​ എന്നതിന്​ വ്യക്​തമായ തെളിവുണ്ടെന്ന്​ യോഗത്തിൽ സംസാരിച്ചവർ ചൂണ്ടിക്കാട്ടി.

 ‘ഞാൻ സഭാ തലവനൊപ്പം’, ‘വിമത വൈദികരെ സഭയിൽനിന്ന്​ പുറത്താക്കുക’, ‘ഫാ. കുര്യാക്കോസ്​ മുണ്ടാട​​​െൻറ ഗുണ്ടായിസം അവസാനിപ്പിക്കുക’ തുടങ്ങിയ മുദ്രാവാക്യങ്ങൾ എഴുതിയ പ്ലക്കാർഡുകൾ ഉയർത്തിപ്പിടിച്ച്​ മറൈൻ ഡ്രൈവിൽനിന്ന്​ പ്രകടനമായാണ്​ വിശ്വാസികൾ അരമനക്ക്​ മുന്നിലേക്ക്​ എത്തിയത്​.  ഇന്ത്യൻ കാത്തലിക്​ ഫോറം പ്രസിഡൻറ്​ മെൽബിൻ മാത്യു ഉദ്​ഘാടനം ചെയ്​ത സംഗമത്തിൽ രാഹുൽ ഇൗശ്വറും സംസാരിച്ചു. ഫോറം ജനറൽ സെക്രട്ടറി കെന്നടി കരിമ്പുംകാലായിൽ മുഖ്യപ്രഭാഷണവും വി.വി. അഗസ്​റ്റിൻ ആമുഖപ്രസംഗവും നടത്തി. 

ഹൈകോടതി വിധിയുടെ പശ്ചാത്തലത്തിൽ ആലഞ്ചേരി സ്ഥാനത്യാഗം ചെയ്​ത്​ അന്വേഷണം നേരിടമെന്നാവശ്യപ്പെട്ട് അതിരൂപതയിലെ വൈദികർ കഴിഞ്ഞദിവസം യോഗം ചേർന്ന് പ്രമേയം പാസാക്കിയിരുന്നു. വിഷയം മാർപാപ്പയെയും സിനഡിനെയും ധരിപ്പിക്കണമെന്നാവശ്യപ്പെട്ട് വൈദികർ രൂപത ആസ്​ഥാനത്ത് എത്തി പ്രമേയം കൈമാറുകയും ചെയ്​തു. ഇതിനോട്​ ആലഞ്ചേരി പ്രതികരിച്ചിട്ടില്ല. കോടതി ഉത്തരവുണ്ടായിട്ടും പൊലീസ്​ േക​െസടുത്തിട്ടുമില്ല. ഇൗ സാഹചര്യത്തിൽ പരാതിക്കാർ ​കോടതിയലക്ഷ്യഹരജി നൽകാൻ ഒരുങ്ങുകയാണ്​. ഇതര സഭ അധ്യക്ഷന്മാർ പ്രശ്​നത്തിൽ ഇടപെട്ട്​ ഒത്തുതീർപ്പിന്​ വഴികൾ ​േതടുന്നുമുണ്ട്​. ഇതിനിടെയാണ്​ സഹായമെത്രാനെ പ്രതിക്കൂട്ടിൽ നിർത്തി തിരിച്ചടിക്കാനും പിടിച്ചുനിൽക്കാനും ആല​േഞ്ചരി പക്ഷം രംഗത്തിറങ്ങിയിരിക്കുന്നത്​.