സ്വാതന്ത്ര്യദിനാഘോഷത്തിൽ പങ്കെടുത്തില്ലെങ്കിൽ ഗൗരവമായി കാണുമെന്ന് ലക്ഷദ്വീപ്​ ഭരണകൂടം; അപമാനിക്കുന്നതിന് തുല്യമെന്ന് ജനപ്രതിനിധികൾ

കൊ​ച്ചി: സ്വാ​ത​ന്ത്ര്യ​ദി​നാ​ഘോ​ഷ പ​രി​പാ​ടി​ക​ളി​ൽ ജ​ന​പ്ര​തി​നി​ധി​ക​ളും ഉ​ദ്യോ​ഗ​സ്ഥ​രും പ​ങ്കെ​ടു​ത്തി​ല്ലെ​ങ്കി​ൽ ഗൗ​ര​വ​മാ​യി കാ​ണു​മെ​ന്ന ല​ക്ഷ​ദ്വീ​പ് ഭ​ര​ണ​കൂ​ട​ത്തിെൻറ ഉ​ത്ത​ര​വ് വി​വാ​ദ​ത്തി​ൽ. എ​ല്ലാ വ​ർ​ഷ​വും വി​പു​ല​മാ​യ സ്വാ​ത​ന്ത്ര്യ​ദി​ന പ​രി​പാ​ടി​ക​ൾ സം​ഘ​ടി​പ്പി​ക്കു​ക​യും പ​ങ്കെ​ടു​ക്കു​ക​യും ചെ​യ്യു​ന്ന ല​ക്ഷ​ദ്വീ​പി​ലെ ജ​ന​പ്ര​തി​നി​ധി​ക​ളെ​യും ജ​ന​ങ്ങ​ളെ​യും അ​പ​മാ​നി​ക്കു​ന്ന​താ​ണി​തെ​ന്ന് വി​ല്ലേ​ജ് ദ്വീ​പ് പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞു. ല​ക്ഷ​ദ്വീ​പ് ക​ല​ക്ട​ർ എ​സ്. അ​സ്ക​ർ അ​ലി​യാ​ണ് ഉ​ത്ത​ര​വ് പു​റ​പ്പെ​ടു​വിച്ചത്.

സം​ഭ​വ​ത്തി​ൽ പ്ര​തി​ഷേ​ധി​ച്ച് ക​വ​ര​ത്തി വി​ല്ലേ​ജ് ദ്വീ​പ് പ​ഞ്ചാ​യ​ത്ത് പ്ര​മേ​യം പാ​സാ​ക്കു​ക​യും അ​ഡ്മി​നി​സ്ട്രേ​റ്റ​റു​ടെ ഉ​പ​ദേ​ഷ്​​ടാ​വി​ന് ക​ത്ത​യ​ക്കു​ക​യും െച​യ്തു. ല​ക്ഷ​ദ്വീ​പി​ലെ സ​മാ​ധാ​നാ​ന്ത​രീ​ക്ഷം ത​ക​ർ​ക്കാനു​ള്ള ശ്ര​മ​മാ​ണ് ഇ​തി​ന്​ പി​ന്നി​ലെ​ന്ന് സം​ശ​യി​ക്കു​ന്ന​താ​യി ക​വ​ര​ത്തി വി​ല്ലേ​ജ് ദ്വീ​പ് പ​ഞ്ചാ​യ​ത്ത് അ​ധ്യ​ക്ഷ​ൻ അ​ബ്​​ദു​ൽ ഖാ​ദ​ർ 'മാ​ധ്യ​മ'​ത്തോ​ട് പ​റ​ഞ്ഞു.

എ​ല്ലാ​വ​ർ​ഷ​വും ജ​ന​പ്ര​തി​നി​ധി​ക​ളെ സ്വാ​ത​ന്ത്ര്യ​ദി​ന പ​രി​പാ​ടി​ക​ളി​ലേ​ക്ക് ക്ഷ​ണി​ക്കാ​റു​ണ്ട്. എ​ന്നാ​ൽ, ഇ​ത്ത​വ​ണ പ​ങ്കെ​ടു​ക്കാ​ൻ ആ​വ​ശ്യ​പ്പെ​ടു​ന്ന​തി​നൊ​പ്പം ഭീ​ഷ​ണി​യു​ടെ സ്വ​ര​മാ​ണ് ഉ​ണ്ടാ​യ​തെ​ന്ന്​ പ്ര​മേ​യ​ത്തി​ൽ ക​വ​ര​ത്തി വി​ല്ലേ​ജ് ദ്വീ​പ് പ​ഞ്ചാ​യ​ത്ത് കു​റ്റ​പ്പെ​ടു​ത്തി.

ക​ല​ക്ട​റു​ടെ ഉ​ത്ത​ര​വ് അ​നു​ചി​ത​വും ജ​നാ​ധി​പ​ത്യ​വി​രു​ദ്ധ​വു​മാ​ണെ​ന്ന് അ​വ​ർ പ​റ​ഞ്ഞു. ഉ​ത്ത​ര​വ് പി​ൻ​വ​ലി​ക്കാ​ൻ ക​ല​ക്ട​ർ​ക്ക് നി​ർ​ദേ​ശം ന​ൽ​ക​ണ​മെ​ന്നും അ​ഡ്മി​നി​സ്ട്രേ​റ്റ​റു​ടെ ഉ​പ​ദേ​ഷ്​​ടാ​വി​നോ​ട് വി​ല്ലേ​ജ് ദ്വീ​പ് പ​ഞ്ചാ​യ​ത്ത് ആ​വ​ശ്യ​പ്പെ​ട്ടു. ക​വ​ര​ത്തി സ്​​റ്റേ​ഡി​യം ഗ്രൗ​ണ്ടി​ൽ ന​ട​ക്കു​ന്ന ആ​ഘോ​ഷം വ​ൻ​വി​ജ​യ​മാ​ക്കു​മെ​ന്നും അ​വ​ർ കൂ​ട്ടി​ച്ചേ​ർ​ത്തു.