ലക്ഷദ്വീപിൽ ചികിത്സ വൈകിയതിനാൽ യുവാവ് മരിച്ചെന്ന് പരാതി

ലക്ഷദ്വീപിൽ ചികിത്സ വൈകിയതിനെ തുടർന്ന് യുവാവ് മരിച്ചെന്ന് പരാതി. ചെത്തിലത്ത് ദ്വീപ് നിവാസി അബ്ദുൽ ഖാദറാണ് മരിച്ചത്. ബൈക്കപടത്തിൽ പരിക്കേറ്റ അബ്ദുൽ ഖാദറിനെ 11 മണിക്കൂർ വൈകിയാണ് വ്യോമ മാർഗം ​കൊച്ചിയിലെ ആശുപത്രിയിൽ എത്തിച്ചത്.

കൊച്ചിയിലേക്ക് പോകാതെ ഹെലികോപ്ടർ കവരത്തിയിൽ ഇറക്കിയെന്നും ആരോപണമുണ്ട്. സുഹൃത്ത് ബാദുഷയെ ഗുരുതര പരിക്കുകളോടെ കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.