നെടുമ്പാശ്ശേരി വിമാനത്താവളത്തില്‍ ജോലി വാഗ്​ദാനം ചെയ്​ത്​ ലക്ഷങ്ങൾ തട്ടി; ഒരാൾ പിടിയിൽ

മലപ്പുറം: നെടുമ്പാശ്ശേരി വിമാനത്താവളത്തിൽ ജോലി വാഗ്​ദാനം ചെയ്​ത്​ ലക്ഷങ്ങൾ തട്ടിയ കേസിൽ മലപ്പുറം പൊലീസ്​ ഒരാളെ അറസ്​റ്റ്​ ചെയ്​തു. യുവാക്കളെ ജോലി വാഗ്​ദാനം നൽകുന്ന തട്ടിപ്പ്​ സംഘവുമായി ബന്ധ​പ്പെടുത്തിയ മലപ്പുറം ചെമ്മങ്കടവ്​ സ്വദേശി രവീന്ദ്രനാണ്​ (58)​ അറസ്​റ്റിലായത്​.

രണ്ട്​ മുതൽ എട്ടുലക്ഷം രൂപ വരെയാണ്​ ഒരാളിൽനിന്ന്​ സംഘം തട്ടിയെടുത്തത്​. വിമാനത്താവളത്തി​െൻറ വ്യാജ ലെറ്റർ പാഡും സീലും ഉ​​ൾപ്പെടെ നിർമിച്ച ഇവർ ഇല്ലാത്ത തസ്​തികകളിലേക്ക്​ നേരിട്ട്​ നിയമനമെന്ന് പറഞ്ഞാണ്​ തട്ടിപ്പ്​ നടത്തിയിരുന്നത്​. പ്രമുഖ വ്യവസായിയുടെ ബന്ധുവെന്ന്​ പരിചയപ്പെടുത്തിയാണ്​ യുവാക്ക​െള കെണിയിൽ വീഴ്​ത്തിയത്​. അഞ്ച്​ ലക്ഷം രൂപ നഷ്​ടമായ മലപ്പുറം സ്വദേശി പൊലീസിന്​ പരാതി നൽകിയിരുന്നു.

നിരവധി തവണ വിമാനത്താവളത്തിൽ എത്താൻ ഉദ്യോഗാർഥികളോട്​ നിർദേശിച്ചിരുന്നു. അവിടെ എത്തു​േമ്പാൾ സാ​ങ്കേതിക കാരണങ്ങൾ പറഞ്ഞ്​ മടക്കിയയക്കുകയാണ്​ പതിവ്​. ആദ്യം ഒരു ലക്ഷവും പിന്നീട്​ ബാക്കി തുകയും ആവശ്യപ്പെടുകയായിരുന്നു. ജോലി ലഭിക്കാത്തതിനെ തുടർന്നാണ്​ പരാതി നൽകിയത്​. തൃശൂർ, എറണാകുളം ജില്ലകളിൽനിന്നുള്ളവർ ഉൾപ്പെടെ തട്ടിപ്പിനിരയായതിനാൽ അന്വേഷണം ഉൗർജിതമാക്കിയിരിക്കുകയാണെന്ന്​ സ്​റ്റേഷൻ ഹൗസ്​ ഓഫിസർ ജോബി തോമസ്​ അറിയിച്ചു.