കണ്ണൂരിൽ യുവതി ആത്മഹത്യ ചെയ്തു; ഭർതൃപീഡനമെന്ന് ബന്ധുക്കൾ

കരിവള്ളൂർ: കണ്ണൂർ കരിവള്ളൂരിൽ യുവതി ആത്മഹത്യ ചെയ്തു. 24കാരിയായ സൂര്യ ആണ് ഭർതൃവീട്ടിൽ തൂങ്ങി മരിച്ചത്.

ഭർതൃപീഡനമാകാം ആത്മഹത്യക്ക് കാരണമെന്ന് ബന്ധുക്കൾ ആരോപിച്ചു. ഭർത്താവ് രാഗേഷും അമ്മയും ചേർന്ന് പീഡിപ്പിച്ചിരുന്നെന്നും ബന്ധുക്കൾ പറയുന്നു.

2021ലാണ് ഇവരുടെ വിവാഹം കഴിഞ്ഞത്. എട്ടുമാസം പ്രായമുള്ള മകനുണ്ട്. മുമ്പ് ഇരുവരും തമ്മിൽ വഴക്കുണ്ടായപ്പോൾ ബന്ധുക്കൾ ഇടപെട്ട് പരിഹരിച്ചിരുന്നു.

ഭർത്താവിനും അമ്മക്കുമെതിരെ പയ്യന്നൂർ പൊലീസ് കേസെടുത്ത് അന്വേഷണം തുടങ്ങി.