ശബരിമലയിൽ ദർശനത്തിന്​ വന്ന യുവതികൾ നിരാഹാരത്തിൽ

പത്തനംതിട്ട: ശബരിമലയിൽ ദർശനത്തിന്​ എത്തി തിരിച്ചിറങ്ങേണ്ടി വന്ന യുവതികൾ നിരാഹാര സമരത്തിൽ. കണ്ണൂർ സ്വദേശികള ായ രേഷ്​മ നിശാന്തും ഷാനില സജീഷുമാണ്​ നിരാഹാര സമരം ആരംഭിച്ചത്​. പൊലീസ്​ നടപടികളിൽ പ്രതിഷേധിച്ചാണ്​ ഇരുവരും സ മരം ആരംഭിച്ചത്​.

പൊലീസ്​ നിർബന്ധിച്ച്​ തിരിച്ചിറക്കുകയായിരുന്നു. ദർശനം നടത്താനാണ്​ തങ്ങൾ വന്നത്​. പൊലീസ്​ സംരക്ഷണം നൽകാമെന്ന്​ അറിയിച്ചിരുന്നു. അഞ്ചുപേർ മാത്രമാണ്​ ആദ്യം സമരത്തിനുണ്ടായിരുന്നത്​. അത്​ കൂടാനുള്ള സാഹചര്യമുണ്ടാക്കിയത്​ പൊലീസാണ്​. ശബരിമലയിൽ ദർശനം നടത്താതെ മാലയഴിക്കാനോ വ്രതം അവസാനിപ്പിക്കാനോ തയാറല്ലെന്നും ഷാനിലയും രേഷ്​മയും പ്രതികരിച്ചു.

രണ്ടുപേരെയും രണ്ടു വാഹനങ്ങളിലായാണ്​ ​െപാലീസ്​ കൊണ്ടുപോകുന്നതെന്നും എവിടേക്കാണ്​ കൊണ്ടുപോകുന്നത്​ എന്ന്​ തങ്ങൾക്ക്​ അറിയില്ലെന്നും ഷാനില പറഞ്ഞു. പമ്പയിലേക്ക്​ കെ.എസ്​.ആർ.ടി.സി ബസിലാണ്​ വന്നത്​. ബസിലുണ്ടായിരുന്ന ഭക്​തരാരും പ്രതിഷേധിച്ചിരുന്നില്ല. അക്രമം നടത്തുന്നവരാണ്​ പ്രതിഷേധം നടത്തിയതും തിരിച്ചറിയൽ കാർഡ്​ ചോദിച്ചതും. പ്രതിഷേധിക്കുന്നതിനിടെ കൊല്ലുമെന്നും മറ്റുമാണ്​ വിളിച്ചു പറയുന്നത്​. ഇങ്ങനെയാണോ ശരണം വിളിക്കുക എന്നും യുവതികൾ ചോദിച്ചു.