കാണാതായ അമ്മയുടെയും മകളുടെയും മൃതദേഹം പാറക്കുളത്തിൽ​

കോട്ടയം: കാണാതായ അമ്മയുടെയും മകളുടെയും മൃതദേഹം വീടിന്​ സമീപത്തെ പാറക്കുളത്തിൽ​ കണ്ടെത്തി. പനച്ചിക്കാട് പള്ളത്ര മാടപ്പള്ളി കരോട്ടുവീട്ടിൽ വത്സമ്മ (59)യുടെയും മകൾ ധന്യ (37)യുടെയും മൃതദേഹങ്ങളാണ്​ പനച്ചിക്കാട്ട്​ പുലിയാട്ടുപാറക്കുളത്തിൽ കണ്ടെത്തിയത്​.

തിങ്കളാഴ്ച പുലർച്ചെ മുതൽ ഇവരെ കാണാനില്ലെന്ന്​ ചിങ്ങവനം പൊലീസിൽ ബന്ധുക്കൾ പരാതി നൽകിയിരുന്നു. തെരച്ചിൽ തുടരുന്നതിനിടെയാണ്​ രാവിലെ കുളത്തിൽ മൃതദേഹങ്ങൾ കണ്ടത്​. ചിങ്ങവനം പൊലീസും ഫയർഫോഴ്സും സ്ഥലത്തെത്തി മൃതദേഹങ്ങൾ മെഡിക്കൽ കോളജ്​ ആശുപത്രിയി മോർച്ചറിയിലേക്ക്​ മാറ്റി.

വീട്ടിൽ നിന്ന് ആത്മഹത്യ കുറിപ്പ്​ കണ്ടെത്തിയിട്ടുണ്ട്​. സാമ്പത്തിക ബാധ്യതയെ തുടർന്നുള്ള കുടുംബ പ്രശ്നങ്ങളാണ് മരണ കാരണമെന്നാണ്​ സൂചന.