ലാബ് ജീവനക്കാരി തൂങ്ങിമരിച്ച നിലയിൽ

എരുമപ്പെട്ടി (തൃശൂർ): ലാബ് ജീവനക്കാരിയെ താമസസ്ഥലത്ത് തൂങ്ങിമരിച്ച നിലയിൽ കണ്ടെത്തി. സെന്റ് മേരീസ് ആശുപത്രിക്ക് സമീപം പ്രവർത്തിക്കുന്ന സുധർമ ലാബിലെ ട്രെയിനി ജീവനക്കാരി വയനാട് കൽപറ്റ കാവുമന്ദം മലഞ്ചേരി പൂക്കുന്ന് വീട്ടിൽ സുരേഷിന്റെ മകൾ ആതിരയാണ് (19) മരിച്ചത്.

താമസിക്കുന്ന ക്വാർട്ടേഴ്സിനുള്ളിൽ ചൊവ്വാഴ്ച രാവിലെ തൂങ്ങിമരിച്ച നിലയിൽ കണ്ടെത്തുകയായിരുന്നു. 10 മാസം മുമ്പാണ് ആതിര സ്ഥാപനത്തിൽ ജോലിക്കെത്തിയത്. എരുമപ്പെട്ടി പൊലീസ് ഇൻക്വസ്റ്റ് നടത്തി. മൃതദേഹം പോസ്റ്റ്മോർട്ടത്തിന് മുളങ്കുന്നത്തുകാവ് മെഡിക്കൽ കോളജ് ആശുപത്രിയിലേക്ക് മാറ്റി.