Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകുറ്റിപ്പുറം പാലത്തിൽ...

കുറ്റിപ്പുറം പാലത്തിൽ രാത്രിയാത്ര നിരോധിച്ചു; അറ്റകുറ്റപ്പണി തുടങ്ങി

text_fields
bookmark_border
കുറ്റിപ്പുറം പാലത്തിൽ രാത്രിയാത്ര നിരോധിച്ചു; അറ്റകുറ്റപ്പണി തുടങ്ങി
cancel

കുറ്റിപ്പുറം: രാത്രി ഒമ്പതുമുതൽ രാവിലെ ആറുവരെ രാത്രി യാത്ര നിരോധിച്ച്​ കുറ്റിപ്പുറം പാലത്തിൽ അറ്റകുറ്റപ്പണ ികള്‍ ആരംഭിച്ചു. ബുധനാഴ്ച രാത്രി ഒമ്പതിന്​ ബാരിക്കേഡ് സ്ഥാപിച്ച് വാഹനഗതാഗതം പൂർണമായി നിരോധിച്ചാണ് പ്രവൃത്തി കൾ ആരംഭിച്ചത്. കാലാവസ്ഥ അനുകൂലമാണെങ്കിൽ എട്ട് ദിവസത്തിനുള്ളിൽ പ്രവൃത്തികൾ പൂർത്തീകരിക്കും. വാഹനങ്ങൾ വഴിതിരിച്ചുവിടാൻ വിവിധ പോയൻറുകളിൽ പൊലീസിനെയും ട്രോമാകെയർ പ്രവർത്തകരെയും വിന്യസിച്ചു.

ട്രെയിൻ യാത്രക്കാർ പാലത്തിലൂടെ നടന്നാണ് റെയിൽവേ സ്​റ്റേഷനിൽ എത്തിയത്. കുഴികളിൽ കോൺഗ്രീറ്റിങ് ചെയ്യുന്ന പ്രവൃത്തിയാണ് ആദ്യദിവസം നടന്നത്. ദിവസവും മുന്നൂറ് ചതുരശ്ര അടി പാതയാണ് അറ്റകുറ്റപ്പണി നടത്തുക. ഇതോടൊപ്പം മിനി പമ്പയോട് ചേര്‍ന്ന തകര്‍ന്ന റോഡും ഇൻറർലോക്ക് ചെയ്ത് നവീകരിക്കും.

ഗതാഗത നിരോധനമുള്ള രാത്രിസമയങ്ങളില്‍ കോഴിക്കോട്ടുനിന്ന്​ തൃശൂര്‍ ഭാഗത്തേക്ക് പോകുന്ന വാഹനങ്ങള്‍ വളാഞ്ചേരിയില്‍നിന്ന് കൊപ്പം, പട്ടാമ്പി, പെരുമ്പിലാവ് വഴിയോ പുത്തനത്താണിയില്‍നിന്ന്​ പട്ടര്‍നടക്കാവ്-തിരുനാവായ- ബി.പി അങ്ങാടി-ചമ്രവട്ടം വഴിയോ പോകണം. തൃശൂരില്‍നിന്ന് കോഴിക്കോട് ഭാഗത്തേക്ക് പോകുന്നവ എടപ്പാളില്‍നിന്ന് തിരിഞ്ഞ് പൊന്നാനി-ചമ്രവട്ടം വഴിയും പോകണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsmalayalam newsKuttippuram Bridge
News Summary - kuttippuram bridge closed for night travel -kerala news
Next Story