കുട്ടനാട്​: തോമസ് ചാണ്ടിയുടെ സഹോദരനെ സ്ഥാനാർഥിയാക്കണമെന്ന്​ മേരി ചാണ്ടി

ആലപ്പുഴ: കുട്ടനാട്ടില്‍ തോമസ് ചാണ്ടിയുടെ സഹോദരന്‍ തോമസ് കെ. തോമസിനെ സ്ഥാനാർഥി ആക്കണമെന്നാവശ്യപ്പെട്ട് തോമസ ് ചാണ്ടിയുടെ ഭാര്യ മേരി ചാണ്ടിയുടെ കത്ത്. തനിക്കോ മക്കള്‍ക്കോ സ്ഥാനാര്‍ഥിയാകാന്‍ താല്‍പര്യമില്ലെന്ന് കത്തില ്‍ മേരി ചാണ്ടി പറയുന്നു. തോമസ് കെ. തോമസിനെ എൻ.സി.പി ടിക്കറ്റിൽ മത്സരിപ്പിക്കാനാണ് താൽപര്യമെന്നും കത്തിൽ പറയുന് നുണ്ട്. മുഖ്യമന്ത്രി, എന്‍.സി.പി നേതാക്കള്‍, സി.പി.എം സംസ്ഥാന സെക്രട്ടറി എന്നിവര്‍ക്കാണ് കത്തയച്ചത്.

തോമസ് ച ാണ്ടി 2016 ൽ മത്സരിച്ചപ്പോൾ ഡമ്മി സ്ഥാനാർഥിയായി പത്രിക നൽകിയതും തോമസ് കെ. തോമസ് ആയിരുന്നു. തോമസ്​ ചാണ്ടി അസുഖ ബാധിതനായപ്പോൾ മണ്ഡലത്തി​​െൻറ ചുമതല ഏൽപ്പിച്ചിരുന്നതും തോമസിനെയായിരുന്നു. തോമസ് പിൻഗാമിയാകണമെന്ന് തോമസ് ചാണ്ടി ആഗ്രഹിച്ചിരുന്നുവെന്നും കത്തിൽ ചൂണ്ടിക്കാട്ടുന്നു.

കുട്ടനാട്ടിൽ പ്രാദേശികമായി തനിക്ക്​ വലിയ സ്വാധീനമുണ്ടെന്ന്​ തോമസ് കെ. തോമസും പ്രതികരിച്ചു. എൻ.സി.പി സംസ്ഥാന അധ്യക്ഷൻ ടി.പി പീതാംബരൻ മാഷാണ്​ കത്തിൽ തീരുമാനമെടുക്കേണ്ടത്​. പാർട്ടി പറയുന്ന തീരുമാനം എന്തായാലും അംഗീകരിക്കുമെന്നും അദ്ദേഹം പറഞ്ഞു.

മുഖ്യമന്ത്രിക്കും പാർട്ടി സെക്രട്ടറിക്കും എൻ.സി.പി നേതാക്കൾക്കും മേരി ചാണ്ടി കത്ത്​ നൽകിയിട്ടുണ്ട്​. അതിലൂടെ തോമസ്​ ചാണ്ടിയുടെയും കുടംബത്തി​​െൻറയും ആഗ്രഹം അറിയിക്കുകയാണുണ്ടായത്​. തോമസ്​ ചാണ്ടിയുടെ അഭാവത്തിൽ നിയോജക മണ്ഡലത്തിലെ 13 പഞ്ചായത്തുകളിലെയും കാര്യങ്ങൾ ചെയ്​തിരുന്നത്​ താനായിരുന്നു. അതിനാൽ എല്ലാ വാർഡുകളിലും ഏരിയയിലും തനിക്ക്​ സ്വാധീനമുണ്ടെന്നും തോമസ്​ വിശദീകരിച്ചു.

കുട്ടനാട്ടിലെ സ്ഥാനാർഥി നിര്‍ണയവുമായി ബന്ധപ്പെട്ട ചര്‍ച്ചകള്‍‌ ഇടതുമുന്നണിയില്‍ പുരോഗമിക്കുമ്പോഴാണ് തോമസ് ചാണ്ടിയുടെ കുടുംബത്തില്‍ നിന്ന് തന്നെ അഭിപ്രായം വരുന്നത്.
അര്‍ബുദ ബാധയെ തുടര്‍ന്ന് ചികിത്സയിലായിരുന്ന തോമസ് ചാണ്ടി ഡിസംബർ 20 നാണ്​ അന്തരിച്ചത്.
പിണറായി മന്ത്രിസഭയില്‍ അംഗമായിരുന്ന തോമസ് ചാണ്ടിക്ക് കായല്‍ കയ്യേറ്റ വിവാദത്തെ തുടര്‍ന്ന് രാജിവെക്കേണ്ടി വന്നിരുന്നു. കോണ്‍ഗ്രസിലൂടെ രാഷ്ട്രീയത്തിലെത്തിയ തോമസ് ചാണ്ടി 2006 മുതല്‍ മൂന്ന് തവണയാണ് കുട്ടനാട്ടില്‍ നിന്ന് എം.എല്‍.എ ആയത്.