കുറുവാ ദ്വീപിലേക്ക് കൂടുതൽ സഞ്ചാരികളെ പ്രവേശിപ്പിക്കാൻ തീരുമാനം

കൽപറ്റ: കുറുവ ദ്വീപിലേക്ക് പ്രവേശിക്കാവുന്ന സഞ്ചാരികളുടെ എണ്ണം ഇരട്ടിയായി വർധിപ്പിച്ചു. ഇനി മുതൽ 950 പേർക്ക് പ്രവേശനം അനുവദിക്കും. നേരത്തെ ഇത് 400 ആയിരുന്നു. പ്രദേശവാസികളുടെ നേതൃത്വത്തിൽ ഈ ആവശ്യമുന്നയിച്ച് സമരം നടന്നു വരുന്നതിനിടയിലാണ് ജില്ല കലക്ടർ എസ്. സുഹാസ് പ്രശ്‌നത്തിൽ ഇടപെട്ടത്. പ്രിൻസിപ്പൽ ചീഫ് ഫോറസ്റ്റ് കൺസർവേറ്റർ ഇത് സംബന്ധിച്ച ഉത്തരവ് പുറപ്പെടുവിച്ചു. സഞ്ചാരികളുടെ പ്രവേശനവുമായി ബന്ധപ്പെട്ട് സി.പി.ഐയും സി.പിഎമ്മും വിഭിന്ന ചേരികളിലായിരുന്നു.