You are here

കുന്നാർ ഡാം വരൾച്ചാ ഭീഷണിയിൽ VIDEO

12:17 PM
11/01/2019
Kunnar-Dam

ശബരിമല: ശബരിമലയിലേക്കാവശ്യമായ വെള്ളമെത്തിക്കുന്നതിൽ മുഖ്യസ്രോതസ്സായ കുന്നാർ ഡാം വരൾച്ചാ ഭീഷണിയിൽ. പ്രളയത്തി​​​​െൻറ കുത്തൊഴുക്കിൽ ഡാമിൽ അടിഞ്ഞുകൂടിയ മണ്ണും മരങ്ങളും പാറകളും നീക്കം ചെയ്യാത്തതാണ് കുന്നാർ ഡാമി​​​​െൻറ നിലനിൽപ്പിന് തന്നെ ഭീഷണിയായിരിക്കുന്നത്. 

ശബരിമലയിൽ നിന്നും ഏഴ് കിലോമീറ്റർ വടക്ക് കിഴക്ക് ദിക്കിലാണ്​ മൂന്നര മീറ്റർ ഉയരമുള്ള ഡാമുള്ളത്​. പ്രതിദിനം 25 ലക്ഷം ലിറ്റർ വെള്ളമാണ്​ ഇവിടെ നിന്ന്​ സന്നിധാനത്ത് എത്തിച്ചിരുന്നത്. എന്നാല്‍ കഴിഞ്ഞ പ്രളയകാലത്ത് വൻ തോതില്‍ മണ്ണും കല്ലും മരങ്ങളും  വീണ് അണക്കെട്ട് നിറഞ്ഞതോടെ സംഭരണശേഷിയില്‍ ഉണ്ടായ കുറവാണ് ഡാമി​​​​െൻറ നിലനിൽപ്പിന് ഭീഷണിയായിരിക്കുന്നത്. 

ഈ ഉത്സവകാലത്തിന് മുമ്പായി ഇവ നീക്കം ചെയ്യാനുള്ള നടപടി സ്വീകരിക്കാൻ അധികൃതര്‍ക്കായില്ല. അണക്കെട്ടി​​​​െൻറ ഉയരം വർധിപ്പിക്കണം എന്ന ആവശ്യം ദേവസ്വം​േബാര്‍ഡും ശബരിമല മാസ്റ്റർ പ്ലാൻ കമ്മിറ്റിയും ഉന്നയിച്ചിട്ടുെങ്കിലും വനംവകുപ്പ്​ ഇതുവരെ അനുകൂല നിലപാട്​ സ്വീകരിച്ചിട്ടില്ല.

സന്നിധാനത്തു നിന്നും ഏറെ ഉയര്‍ന്ന സ്ഥലത്തുനിന്നാണ് കുന്നാര്‍ ഒഴുകി തുടങ്ങുന്നത് എന്നതും ഭൂമിയുടെ സ്വാഭാവിക ചരിവും മുതലാക്കിയാണ് വൈദ്യുതിയുടെ സഹായമില്ലാതെയാണ്​ സന്നിധാനത്തെ പാണ്ടിത്താവളത്തിലുള്ള സംഭരണിയിലേക്ക് കുന്നാറിലെ അണക്കെട്ടില്‍നിന്നും ജലം എത്തിക്കുന്നത്.

Loading...
COMMENTS