ഭാര്യയെ കൊലപ്പെടുത്തിയ കേസിൽ ജാമ്യത്തിലിറങ്ങിയ ഭർത്താവ്​ തൂങ്ങിമരിച്ച നിലയിൽ

കുന്നംകുളം: ഭാര്യയെ വെട്ടിക്കൊലപ്പെടുത്തിയ കേസിൽ ജാമ്യത്തിലിറങ്ങിയ ഭർത്താവിനെ തൂങ്ങിമരിച്ച നിലയിൽ കണ്ടെത്തി. ആനായ്​ക്കൽ ഗാനിയ നഗറിൽ പനങ്ങാട്ട്​ വീട്ടിൽ താമിയുടെ മകൻ പ്രതീഷാണ്​ (48) മരിച്ചത്​. വീടിനോട്​ ചേർന്ന്​ പുറത്തുള്ള ഗോവണിയിലാണ്​ ഇയാളുടെ മൃതദേഹം തിങ്കളാഴ്​ച പുലർച്ചെ കണ്ടെത്തിയത്​.

പ്രതീഷി​​െൻറ ഭാര്യ ജിഷ (33) കഴിഞ്ഞ ഫെബ്രുവരി 21ന്​ പുലർച്ചെ കൊല്ലപ്പെട്ടിരുന്നു. സംഭവ​ ശേഷം കുന്നംകുളം പൊലീസ്​ സ്​റ്റേഷനിൽ കീഴടങ്ങിയ ഇയാൾ ജയിലിലായിരുന്നു. മൂന്ന്​ മാസത്തിന്​ ശേഷം ജാമ്യത്തിലിറങ്ങി. മാനസിക അസ്വസ്​ഥത അനുഭവപ്പെട്ട പ്രതീഷിനെ പിന്നീട്​ ചികിത്സക്ക്​ വിധേയമാക്കിയിരുന്നു. വീടിന്​ തൊട്ടടുത്തുള്ള സഹോദര​​െൻറ വീട്ടിൽ അമ്മയോടൊപ്പമാണ്​  കഴിഞ്ഞിരുന്നത്​. ദീർഘകാലം സൗദി അറേബ്യയിലായിരുന്ന പ്രതീഷ്​ ഭാര്യയെ കൊലപ്പെടുത്തുന്നതിന്​ മാസങ്ങൾക്ക്​ മുമ്പാണ്​ നാട്ടിൽ എത്തിയത്​. കുന്നംകുളം പൊലീസ്​ മേൽനടപടി സ്വീകരിച്ചു. മാതാവ്​: സുഭദ്ര. മകൾ: സ്​നേഹ.