സ്വർണക്കടത്ത്​ മുസ്​ലിം ലീഗി​െൻറ ദേശീയ വിനോദം, കുഞ്ഞാലിക്കുട്ടി ബി.ജെ.പി അംബാസഡർ -എ.എ. റഹീം

തിരുവനന്തപുരം: പി.കെ. കുഞ്ഞാലിക്കുട്ടി എം.പി ഡൽഹിയിൽനിന്ന്​ തിരിച്ച്​ കേരളത്തിലേക്ക്​ വണ്ടികയറിയത്​ ബി.ജെ.പിയുടെ അംബാസഡറായിട്ടാണെന്ന്​ ഡി.വൈ.എഫ്.ഐ സംസ്ഥാന സെക്രട്ടറി എ.എ. റഹീം. മാറാട്​ കേസിലെ സി.ബി.ഐ അന്വേഷണം, ഐസ്​ക്രീം കേസിലെ രണ്ട്​ പെൺകുട്ടികളുടെ മരണം, സ്വർണക്കടത്തുമായി ബന്ധപ്പെട്ട അന്വേഷണം എന്നിവയെല്ലാം ലീഗിന്​ എതിരാണ്​. ഈ കേസുകൾ കാണിച്ച്​​ ബി.​െജ.പി കുഞ്ഞാലിക്കുട്ടിയെ ബ്ലാക്​മെയിൽ ചെയ്​ത്​ തങ്ങളുടെ ചൊൽപ്പടിക്ക്​ നിർത്തി പ്രതിനിധിയായി കേരളത്തിലേക്ക്​ അയച്ചിരിക്കുകയാണ്​​. അതി​െൻറ ഭാഗമായാണ്​​ ബി.ജെ.പിയല്ല, സി.പി.എമ്മാണ്​ മുഖ്യശത്രു എന്ന്​ അദ്ദേഹത്തെ കൊണ്ട്​ പറയിപ്പിച്ചത്​.

സ്വർണക്കടത്ത് മുസ്​ലിം​ ലീഗി​െൻറ ദേശീയ വിനോദമാണ്​. നിരവധി ലീഗ്​ നേതാക്കൾ സ്വർണക്കടത്ത്​ കേസുകളിൽ ജയിലിൽ കിടന്നിട്ടുണ്ട്​. മുസ്​ലിം ലീഗി​െൻറയും നേതാക്കളുടെയും സ്വർണക്കടത്ത്​ പുതിയ സാഹചര്യത്തിൽ അതീവ ​പ്രതിസന്ധിയിലാണ്​.

തിരുവനന്തപുരം സ്വർണക്കടത്ത്​ കേസിൽ അന്വേഷണം നേരായ വഴിക്ക്​ പോകണമെന്ന്​ കുഞ്ഞാലിക്കുട്ടിക്ക്​ താൽപ്പര്യമില്ല. ത​െൻറയും പാർട്ടിയുടെയും സാമ്പത്തിക സ്രോതസ്സിലേക്ക്​ അന്വേഷണം പോകുമെന്ന ആശങ്കയുണ്ട്​ അദ്ദേഹത്തിന്​. ഈ ആശങ്കയുടെ അടിസ്​ഥാനത്തിലാണ്​ കേരളത്തിൽ സമരനാടകങ്ങൾ നടക്കുന്നത്​. കേരളത്തി​െൻറ സമരചരിത്രങ്ങൾക്ക്​ അപമനമാകുന്ന വിധം മഷിക്കുപ്പി സമരമാണ്​ അരങ്ങേറുന്നത്​. ആർ.എസ്​.എസ്​ ആസൂത്രണം ചെയ്​ത അക്രമമാണ്​ കോൺഗ്രസും ലീഗും പ്രാവർത്തികമാക്കുന്നതെന്ന​ും എ.എ. റഹീം പറഞ്ഞു.