കുമ്മനം ഗവർണർ സ്​ഥാനം രാജിവെച്ചു; തിരുവനന്തപുരത്ത്​ സ്​ഥാനാർഥിയാവും

ന്യൂഡൽഹി: മിസോറം ഗവർണർ കുമ്മനം രാജശേഖരൻ രാജിവെച്ചു. രാജി അംഗീകരിച്ച രാഷ്​ട്രപതി രാംനാഥ്​ കോവിന്ദ്​ അസം ഗവർ ണർ പ്രഫ. ജഗദീഷ്​ മുഖിക്ക്​ മിസോറമി​​െൻറ അധികച്ചുമതല നൽകി. ലോക്​സഭ തെരഞ്ഞെടുപ്പു തീയതി ഉടൻ പ്രഖ്യാപിക്കാനിര ിക്കേ, തിരുവനന്തപുരത്ത്​ മത്സരിപ്പിക്കാനാണ്​ കുമ്മനത്തെ ബി.ജെ.പി രാജിവെപ്പിച്ചത്​.

ശശി തരൂരിനെതിരെ മത് സരിപ്പിക്കാൻ പറ്റിയ സ്വീകാര്യ സ്​ഥാനാർഥി കുമ്മനം തന്നെയാണെന്ന ആർ.എസ്​.എസ്​ നിലപാടിനെ തുടർന്നാണ്​ രാജി. കുമ്മനത്തിനാക​െട്ട, ലോക്​സഭ തെരഞ്ഞെടുപ്പു കഴിഞ്ഞാൽ മിസോറമിൽ തുടരാൻ കഴിയണമെന്നില്ല. കേന്ദ്രത്തിൽ ഭരണമാറ്റം ഉണ്ടായാൽ ബി.ജെ.പിക്കാരായ ഗവർണർമാർ രാജിവെക്കേണ്ടി വരും. ബി.ജെ.പിക്ക്​ രണ്ടാമൂഴം കിട്ടിയാൽ വീണ്ടും ഗവർണറാകാനോ, കേന്ദ്രമന്ത്രിയാകാനോ കഴിയും. സംസ്​ഥാന രാഷ്​ട്രീയത്തിൽ തുടരണമെന്ന കുമ്മനത്തി​​െൻറ താൽപര്യത്തിനും തടസ്സമില്ല.

ബി.ജെ.പിക്കുള്ളിലെ കടുത്ത പോരിനൊടുവിൽ സംസ്​ഥാന അധ്യക്ഷ സ്​ഥാനത്തുനിന്ന്​ മിസോറമ​ിലേക്ക്​ നാടുകടത്തിയ അനുഭവമായിരുന്നു കുമ്മനത്തി​േൻറത്​. ബി.ജെ.പി അധ്യക്ഷൻ അമിത്​ ഷാ നേരിട്ട്​ ഇടപെട്ട്​ നടത്തിയ നീക്കത്തിന്​ ആർ.എസ്​.എസ്​ എതിരായിരുന്നു. ഒട്ടും താൽപര്യമില്ലാതെയാണ്​ അദ്ദേഹം മിസോറം രാജ്​ഭവനിൽ കഴിഞ്ഞത്​. തിരുവനന്തപുരത്തെ സ്​ഥാനാർഥിത്വത്തിലൂടെ കുമ്മനത്തെ സംസ്​ഥാന രാഷ്​ട്രീയത്തിലേക്ക്​ തിരിച്ചുകൊണ്ടുവരികയാണ്​ ഇപ്പോൾ.

ഗവർണർ സ്​ഥാനം രാജിവെച്ച്​ തെരഞ്ഞെടുപ്പിൽ മത്സരിച്ച ചരിത്രം ഇതിനുമുമ്പ്​ വക്കം പുരുഷോത്തമനുണ്ട്​. അന്തമാൻ-നികോബാർ ​െലഫ്​. ഗവർണർ സ്​ഥാനം രാജിവെച്ച്​ 1996ലെ നിയമസഭ തെരഞ്ഞെടുപ്പിൽ ആറ്റിങ്ങൽ മണ്ഡലത്തിൽ മത്സരിച്ച അദ്ദേഹം തോറ്റു. ഗവർണർ സ്​ഥാനത്ത്​ രണ്ടു വർഷം കാലാവധി ബാക്കിയുള്ളപ്പോഴായിരുന്നു രാജി. കേരള ഗവർണറായിരുന്ന നിഖിൽകുമാർ കഴിഞ്ഞ ബിഹാർ നിയമസഭ തെരഞ്ഞെടുപ്പിൽ രാജിവെച്ച്​ കോൺ​ഗ്രസ്​ ടിക്കറ്റിൽ ഒൗറംഗാബാദിൽ മത്സരിച്ചു തോറ്റു.