പത്തനംതിട്ട സീറ്റിൽ തർക്കമില്ലെന്ന് കുമ്മനം രാജശേഖരൻ

തിരുവനന്തപുരം: പത്തനംതിട്ട ലോക്സഭാ സീറ്റിലെ സ്ഥാനാർഥി സംബന്ധിച്ച് തർക്കങ്ങളില്ലെന്ന് ബി.ജെ.പി മുൻ സംസ്ഥാന അ ധ്യക്ഷൻ കുമ്മനം രാജശേഖരൻ. പാർട്ടി കേന്ദ്ര നേതൃത്വത്തിന്‍റെ തീരുമാനം എന്തായാലും അംഗീകരിച്ച് മുന്നോട്ടു പോകുമെന്നും കുമ്മനം പറഞ്ഞു.

എല്ലാ സംസ്ഥാനങ്ങളിലും സ്ഥാനാർഥികളെ ഭാഗികമായാണ് പ്രഖ്യാപിച്ചത്. ഘട്ടംഘട്ടമായി സ്ഥാനാർഥികളുടെ പേരുകൾ പുറത്തുവിടും. മൂന്നാം ഘട്ടത്തിലാണ് കേരളത്തിലെ തെരഞ്ഞെടുപ്പ് നടക്കുന്നതെന്നും കുമ്മനം മാധ്യമങ്ങളോട് പറഞ്ഞു.