സജീവ രാഷ്ട്രീയത്തിലേക്കുള്ള മടങ്ങിവരവ് ആഗ്രഹിച്ചു -കുമ്മനം

കോഴിക്കോട്: സജീവ രാഷ്ട്രീയത്തിലേക്കുള്ള മടങ്ങി വരവ് ആഗ്രഹിച്ചിരുന്നതായി മിസോറാം മുൻ ഗവർണർ കുമ്മനം രാജശേഖരൻ. ബി.ജെ.പിക്കും തന്‍റെ മടങ്ങിവരവിന് ആഗ്രഹം ഉണ്ടായിരുന്നു. തനിക്കും അത്തരം ചിന്ത ഉണ്ടായതോടെ രാജിവെക്കാൻ സമയമായെന്ന് തീരുമാനിച്ചു.

രാഷ്ട്രീയത്തിലേക്ക് മടങ്ങി പോകണമെന്ന ആവശ്യം ബി.ജെ.പി കേന്ദ്ര നേതൃത്വത്തെ നേരത്തെ അറിയിച്ചിരുന്നു. മിസോറാമിലെ ചില തിരക്കുകൾ കാരണം സാധിക്കാതെ വന്നു. കേരളത്തിൽ എത്തിയിട്ട് എന്ത് ചെയ്യണമെന്ന് തീരുമാനിക്കുമെന്നും കുമ്മനം വ്യക്തമാക്കി.