കുൽദീപ്​ നയ്യാരുടെ എഴുത്തുകൾ രാജ്യത്തിന്​ വഴികാട്ടി-ചില്ല വായന

 റിയാദ്: പ്രശസ്​ത മാധ്യമപ്രവർത്തകനും മനുഷ്യാവകാശ പ്രവർത്തകനും പാർലമെ​േൻററിയനുമായ കുൽദീപ്​ നയ്യാരെ അനുസ്​മരിച്ച്​​ റിയാദി​െല ചില്ല സർഗവേദിയുടെ ആഗസ്​റ്റ്​ വായന. അദ്ദേഹത്തി​​​െൻറ ‘വരികൾപ്പുറം’ എന്ന ആത്മകഥാ ഗ്രന്ഥം അവതരിപ്പിച്ച്​ നോവലിസ്​റ്റ്​ ബീന പരിപാടി ഉദ്​ഘാടനം ചെയ്​തു. സ്വതന്ത്ര്യലബ്​ധിക്ക്​ ശേഷം ഇന്ത്യ നേരിട്ട ജനാധിപത്യപരീക്ഷണങ്ങളുടെയും വൈതരണികളുടെയും സാക്ഷിയായ നയ്യാരുടെ പുസ്തകം രാജ്യത്തിന്​ വഴികാട്ടിയായിരുന്നെന്ന്​ ബീന പറഞ്ഞു. കേരളത്തിലെ പ്രളയദുരന്തത്തിൽ മരണമടഞ്ഞവർക്ക് ആദരാഞ്ജലി അർപ്പിച്ചുകൊണ്ടാണ്​ പ്രതിമാസ വായനാപരിപാടി തുടങ്ങിയത്​. ഇ.എം ഹാഷിമി​​​െൻറ ‘ബുദ്ധമാനസം’ എന്ന പുസ്​തകത്തി​​​െൻറ വായനാനുഭവം ഇഖ്ബാൽ കൊടുങ്ങല്ലൂർ പങ്കുവെച്ചു. ബുദ്ധ​​​െൻറ ജീവിതദർശനങ്ങളെ സരളമായി വിശദീകരിക്കുന്നതാണ്​ പുസ്​തകമെന്നും ബൗദ്ധ ജീവിതത്തി​​​െൻറ ആത്മനിഷ്ഠമായ അനുഭവമാണ് അവതരിപ്പിക്കുന്നതെന്നും ഇഖ്ബാൽ പറഞ്ഞു. നൊബേൽ സമ്മാന ജേതാവായ ഓർഹാൻ പമൂക്കി​​​െൻറ ‘മൈ നെയിം ഈസ്​ റെഡ്’ എന്ന പുസ്തകം അഖിൽ ഫൈസൽ അവതരിപ്പിച്ചു. എൻ.പി ഹാഫിസ്​ മുഹമ്മദി​​​െൻറ ‘എസ്പതിനായിരം’ എന്ന നോവലി​​​െൻറ ആസ്വാദനം റഫീഖ് പന്നിയങ്കര അവതരിപ്പിച്ചു. കൊമ്പൻ മൂസ, സലീം പടിഞ്ഞാറ്റുമുറി, എം. ഫൈസൽ, സിദ്ദീഖ് കൊണ്ടോട്ടി, നജ്‌വ, നജ്മ, പ്രദീപ് അരിയമ്പാടൻ എന്നിവർ സർഗസംവാദത്തിൽ സംസാരിച്ചു. ബത്​ഹയിലെ ശിഫ അൽജസീറ ഹാളിൽ നടന്ന പരിപാടിയിൽ നൗഷാദ് കോർമത്ത് മോഡറേറ്ററായി.