കുടുംബശ്രീ കെ-ടിക് പദ്ധതി: ഗുണഭോക്തൃ പട്ടികയായി

തി​രു​വ​ന​ന്ത​പു​രം: പ​ട്ടി​ക​വ​ര്‍ഗ മേ​ഖ​ല​യി​ലെ ജ​ന​വി​ഭാ​ഗ​ങ്ങ​ള്‍ക്കി​ട​യി​ല്‍ സം​രം​ഭ​ക​ത്വം പ്രോ​ത്സാ​ഹി​പ്പി​ച്ച്​ നൂ​ത​ന തൊ​ഴി​ല​വ​സ​ര​ങ്ങ​ള്‍ ല​ഭ്യ​മാ​ക്കു​ന്ന കു​ടും​ബ​ശ്രീ ട്രൈ​ബ​ല്‍ എ​ന്‍റ​ര്‍പ്രൈ​സ് ആ​ന്‍ഡ് ഇ​ന്ന​വേ​ഷ​ന്‍ സെ​ന്‍റ​ര്‍ (കെ-​ടി​ക്) പ​ദ്ധ​തി​യു​ടെ ഭാ​ഗ​മാ​യു​ള്ള ഗു​ണ​ഭോ​ക്തൃ തി​ര​ഞ്ഞെ​ടു​പ്പ് പൂ​ര്‍ത്തി​യാ​യി.

14 ജി​ല്ല​ക​ള്‍ കൂ​ടാ​തെ അ​ട്ട​പ്പാ​ടി, തി​രു​നെ​ല്ലി എ​ന്നി​വി​ട​ങ്ങ​ളി​ല്‍നി​ന്ന്​ എ​ണ്ണൂ​റോ​ളം പേ​രാ​ണ് ഗു​ണ​ഭോ​ക്തൃ പ​ട്ടി​ക​യി​ലു​ള്ള​ത്. ഇ​വ​ര്‍ക്ക് സം​രം​ഭ​ക​ത്വ വി​ക​സ​ന പ​രി​ശീ​ല​നം ന​ല്‍കാ​ൻ തി​ര​ഞ്ഞെ​ടു​ത്ത 36 ഇ​ന്‍കു​ബേ​റ്റ​ര്‍മാ​ര്‍ക്കു​ള്ള പ​രി​ശീ​ല​നം ഈ​മാ​സം 14ന് ​ആ​രം​ഭി​ക്കും.

പ​ട്ടി​ക​വ​ര്‍ഗ മേ​ഖ​ല​യി​ലെ യു​വ​ജ​ന​ങ്ങ​ള്‍ക്ക് സ്വ​യം​തൊ​ഴി​ല്‍ സം​രം​ഭ​ങ്ങ​ള്‍ തു​ട​ങ്ങാ​നും ഈ ​മേ​ഖ​ല​യി​ല്‍ പ്ര​ഫ​ഷ​ന​ലി​സം കൈ​വ​രി​ക്കു​ന്ന​തി​നും സ​ഹാ​യ​ക​മാ​യ രീ​തി​യി​ലാ​ണ് പ​രി​ശീ​ല​ന പ​രി​പാ​ടി​യു​ടെ ആ​സൂ​ത്ര​ണം. ഓ​രോ ജി​ല്ല​യി​ലും 50 പേ​ര്‍ വീ​ത​മു​ള്ള ബാ​ച്ചു​ക​ളാ​യി വി​വി​ധ ഘ​ട്ട​ങ്ങ​ളി​ലാ​യി ഒ​ന്ന​ര​വ​ര്‍ഷം നീ​ളു​ന്ന പ​രി​ശീ​ല​ന പ​രി​പാ​ടി​യി​ല്‍ ആ​ദ്യ​ത്തേ​താ​ണ് ഫെ​ബ്രു​വ​രി, മാ​ര്‍ച്ച് മാ​സ​ങ്ങ​ളി​ല്‍ സം​ഘ​ടി​പ്പി​ക്കു​ക. ഇ​തി​ന് മു​ന്നോ​ടി​യാ​യി ഇ​ന്‍കു​ബേ​റ്റ​ര്‍മാ​ര്‍ ഉ​ൾ​പ്പെ​ടെ​യു​ള്ള​വ​ർ​ക്കാ​യി തി​രു​വ​ന​ന്ത​പു​ര​ത്ത്‌ ശി​ല്‍പ​ശാ​ല സ​ഘ​ടി​പ്പി​ച്ചു.