കുടുംബശ്രീ 72 തസ്തികകളിൽ അപേക്ഷ ക്ഷണിച്ചു

തിരുവനന്തപുരം: കുടുംബശ്രീയിൽ ഡെപ്യൂട്ടേഷൻ വ്യവസ്ഥയിൽ 72 തസ്തികകളിലേക്ക് അപേക്ഷ ക്ഷണിച്ചു. കേന്ദ്ര-സംസ്ഥാന സർക്കാർ/അർധ സർക്കാർ ജീവനക്കാർക്കാണ് അപേക്ഷിക്കാനാകുന്നത്.

തിരുവനന്തപുരത്തുള്ള സംസ്ഥാന മിഷൻ ഓഫിസിലേക്ക് പ്രോഗ്രാം ഓഫിസർ/ ചീഫ് ഓപറേറ്റിങ് ഓഫിസർ എന്ന തസ്തികയിലേക്ക് ആറ് ഒഴിവുകളാണുള്ളത്.

കുടുംബശ്രീ ജില്ലതല ഓഫിസുകളിലേക്ക് ജില്ല മിഷൻ കോഒാഡിനേറ്റർമാർ (ആകെ 14 ഒഴിവുകൾ), അസിസ്​റ്റൻറ് ജില്ലാ മിഷൻ കോഒാഡിനേറ്റർമാർ (ആകെ 52 ഒഴിവുകൾ) തസ്തികകളിലേക്കും അപേക്ഷ ക്ഷണിച്ചിട്ടുണ്ട്. നിശ്ചിത യോഗ്യതയുള്ള വനിതാ ജീവനക്കാർക്ക് മുൻഗണനയുണ്ട്. വിജ്ഞാപനങ്ങൾ കുടുംബശ്രീ വെബ്‌സൈറ്റിൽ (www.kudumbashree.org/careers) ലഭ്യമാണ്.