കൂടത്തായി: ലോക്കൽ ​െപാലീസിനും വീഴ്​ച

കോഴിക്കോട്: കൂടത്തായിയിലെ ദുരൂഹമരണത്തിൽ ലോക്കൽ ​െപാലീസിനും വീഴ്​ചപറ്റിയതായി ആരോപണം. കൂട്ടക്കൊലപാതകത്തിലെ മൂന്നാം മരണം കൃത്യമായി അന്വേഷിച്ചിരുന്നെങ്കിൽ ബാക്കിയുള്ള മൂന്ന്​ ജീവനുകൾ ​പൊലിയില്ലായിരുന്നു​െവന്നാണ്​ നിഗമനം. 2002 സെപ്​റ്റംബർ 22ന്​ അന്നമ്മയും 2008 സെപ്​റ്റംബർ 26ന്​ ഭർത്താവ്​ ടോം തോമസും മരിച്ച ശേഷം 2011 സെപ്​തംബർ 30നാണ്​ മകൻ റോയി മരിക്കുന്നത്​. ജോളിയുടെ ഭർത്താവ്​ കൂടിയായ റോയി മരിച്ചപ്പോൾ ചില സംശയങ്ങൾ ഉയർന്നിരുന്നു. എന്നാൽ, കോടഞ്ചേരി ​െപാലീസ്​ അനങ്ങാതിരുന്നതാണ് ജോളിയെ കൂടുതൽ ​െകാലപാതകങ്ങൾ നടത്താൻ പ്രേരിപ്പിച്ചത്​. ​

റോയിക്ക്​ ഹൃദയാഘാതമാണെന്നായിരുന്നു ഭാര്യ പ്രചരിപ്പിച്ചത്​. കോഴ​ിക്കോ​ട്ടെ സ്വകാര്യ ആശുപത്രിയിലായിരുന്നു റോയിയെ മരണത്തിനുമുമ്പ്​ പ്രവേശിപ്പിച്ചത്​. മരിക്കുന്നതിന്​ 15 മിനിറ്റ്​ മുമ്പ്​ റോയി ചോറും കടലക്കറിയും കഴിച്ചതായി സ്വകാര്യ ആശുപത്രിയിലെ ഡോക്​ടർമാർ ക​െണ്ടത്തിയിരുന്നു. അസ്വാഭാവിക മരണമായതിനാല്‍ കോഴിക്കോട് മെഡിക്കല്‍കോളജില്‍ പിന്നീട്​ പോസ്​റ്റുമോര്‍ട്ടം നടത്തുകയായിരുന്നു. റോയിയുടെ ശരീരത്തിൽ സയനൈഡ്​ കണ്ടെത്തുകയും ചെയ്​തു. ഇക്കാര്യം കോഴിക്കോട്​ മെഡിക്കൽ കോളജിലെ ഫോറൻസിക്​ വിഭാഗം കോടഞ്ചേരി പൊലീസിന്​ രേഖാമൂലം കൈമാറി. എന്നാൽ, കൂടുതൽ അന്വേഷണത്തിന്​ കോടഞ്ചേരി പൊലീസ്​ തയാറായില്ല.

സ്വമേധയാ കേസെടുക്കാമായിരുന്ന സംഭവമാണ്​ ചില സ്വാധീനങ്ങൾക്ക്​ വഴങ്ങി ഒതുക്കിയത്​. ആത്മഹത്യയാണെന്ന നിലയിൽ ചില പ്രചാരണങ്ങളും നടന്നിരുന്നു. പ്രതിയായ ജോളിയു​െട ഇടപെടൽ കാരണമാണ്​ അന്വേഷണം വഴിമുട്ടിയതെന്നാണ്​ നാട്ടുകാരും പൊതുപ്രവർത്തകരും ഉറച്ചു വിശ്വസിക്കുന്നത്​. അന്ന്​ അന്വേഷണം നിലച്ചതിനെക്കുറിച്ച്​ അന്വേഷണം വേണമെന്നാണ്​ ആവശ്യം.