കല്ലറ തുറന്നുള്ള പോസ്​റ്റ്​ മോർട്ടത്തിൽ സയനൈഡ്​ കണ്ടെത്താനാകില്ലെന്ന്​ വിദഗ്​ധർ

കോഴിക്കോട്​: വർഷങ്ങൾക്കു ശേഷം മരിച്ചവരുടെ പോസ്​റ്റ്​ മോർട്ടം നടത്തിയാൽ സയനൈഡ്​ കണ്ടെത്താനാകില്ലെന്ന്​ പ്രശസ്​ത ഫോറൻസിക്​ വിദഗ്​ധ ഡോ. ഷെർലി വാസു പറഞ്ഞു. മരിച്ച ശേഷം നാലഞ്ചു ദിവസം കഴിഞ്ഞാൽപോലും സയനൈഡ്​ മൃതശരീരത്തിൽനിന്ന്​ കണ്ടെത്താൻ സാധ്യമല്ല. പൊലീസി​​​െൻറ നിയമപരമായ നടപടിക്രമങ്ങൾ പൂർത്തീകരിക്കുന്നതിനു വേണ്ടിയാണ്​ പൊലീസ്​ കല്ലറ തുറന്ന്​ പോസ്​റ്റുമോർട്ടം ചെയ്യുന്നത്​. മരണങ്ങൾക്ക്​ പിന്നിൽ താനല്ലെന്നും മറ്റെന്തെങ്കിലും അസുഖം മൂലമോ അപകടങ്ങളാലോ ആണ്​ മരിച്ചതെന്നും പ്രതി കോടതിയിൽ വാദിച്ച്​​ രക്ഷപ്പെടുന്നത്​​ തടയുന്നതിനു വേണ്ടിയായിരിക്കും പൊലീസ്​ മരിച്ചവരുടെ പോസ്​റ്റ്​മോർട്ടം നടത്തുന്നതെന്ന്​ ഡോക്​ടർ അഭിപ്രായപ്പെട്ടു.

സയനൈഡ്​ ശരീരത്തി​ലെ എല്ലാ കോശങ്ങളുടെയും ശ്വസന പ്രക്രിയയെ തടസ്സപ്പെടുത്തുകയാണ്​ ചെയ്യുക​. ശരീരത്തിലെ എല്ലാ കോശങ്ങളും ഒരുമിച്ച്​ മരിക്കുകയാണ്​ സയനൈഡ്​ കഴിച്ചാൽ സംഭവിക്കുന്നത്​. ​െബ്രയിൻസ്​റ്റെമ്മി​​​െൻറ പ്രവർത്തനം നിലക്കുന്നതോടെയാണ്​ മരണം സംഭവിക്കുക. അതി​​​െൻറ തൊട്ടുമുമ്പായി ശ്വാസം കിട്ടാതെ പിടയുക, മുഖത്ത്​ നീലനിറം വരുക, രക്​തസമ്മർദം കുറയുക, ഛർദിക്കുക, തളർന്നു വീഴുക എന്നിവയുണ്ടാകും. തളർന്നുവീഴുന്നതോടെ ​െബ്രയിൻ സ്​റ്റെമ്മി​​​െൻറ പ്രവർത്തനം നിലച്ചുവെന്ന്​ ഉറപ്പാക്കാം.

200-250 മില്ലിഗ്രാം സയനൈഡ്​ അകത്തുചെന്നാൽ പൂർണ വളർച്ചയെത്തിയ മനുഷ്യൻ മരിക്കും. കയ്​പ്​ രുചിയും കപ്പപുഴുങ്ങിയ മണവുമാണ്​ സയനൈഡിന്​​. രുചി അറിയുന്നതിനു മുമ്പ്​ തന്നെ നമ്മുടെ രുചിമുകുളങ്ങൾ നശിച്ചിരിക്കും. മണം പോലും ആദ്യ തവണ തോന്നിയാലും രണ്ടാം തവണയാകു​േമ്പാഴേക്കും മൂക്കി​​​െൻറ ഞരമ്പുകളെ തളർത്തുന്നതിനാൽ മണക്കാനും സാധിക്കില്ല. ​

സാധാരണയായി കനത്ത ഭക്ഷണത്തിലല്ല, ജ്യൂസുപോലെ പാനീയങ്ങളിലാണ്​ ഇത്​ നൽകി കാണുന്നത്​. ഭക്ഷണശേഷം കഴിച്ച പാനീയങ്ങൾക്കൊപ്പമാവാം ഇത്​ നൽകിയിരിക്കുക. പഴങ്ങളിൽ നൽകിയാൽ അറിയുകയുമില്ല. എന്നാൽ, സയനൈഡ്​ കിട്ടുക അത്ര എളുപ്പമല്ല. ഫോ​േട്ടാഗ്രാഫർമാർ, സ്വർണപ്പണിക്കാർ, കെമിസ്​റ്റുകൾ എന്നിവർക്ക്​ മാത്രമേ​ ഇത്​ ലഭ്യമാകുകയുള്ളു. സയനൈഡ്​ ഉപയോഗിച്ച്​ കൊലപാതകം നടത്തിയാൽ പിടിക്കപ്പെടാൻ സാധ്യത കുറവാണെന്നും ഡോക്​ടർ സാക്ഷ്യപ്പെടുത്തുന്നു​. മുമ്പും സയനൈഡ്​ ഉപയോഗിച്ച്​ ​െകാലപാതക പരമ്പരകൾ നടന്നിട്ടുണ്ട്​. ആലുവ അമ്മിണി, സയനൈഡ്​ മല്ലിക, സയനൈഡ്​ മോഹൻ എന്നിവരൊക്കെ ഇതിനുദാഹരണമാണ്​. എട്ടും പത്തും വർഷങ്ങളാണ്​ കൊലപാതകങ്ങൾ നടത്താൻ ഇവർ സമയമെടുത്തതെന്നും ഡോ. ഷെർലി വാസു പറഞ്ഞു.