ജോസ്​ കെ മാണി തോറ്റാൽ പാതി മീശ വടിക്കുമെന്ന്​ ബെറ്റ്​; ഒടുവിൽ വാക്ക്​ പാലിച്ച്​ പൗലോസ്​ കടമ്പംകുഴി

കോട്ടയം: പാലായിൽ അപ്രതീക്ഷിത പരാജയം ഏറ്റുവാങ്ങിയിരിക്കുകയാണ്​ കേരള കോൺഗ്രസ്​ എം ചെയർമാൻ ജോസ്​ കെ. മാണി. എന്നാൽ മാണി എന്തായാലും വിജയിക്കുമെന്ന്​ ഉറപ്പുണ്ടായിരുന്നു കെ.ടി.യു.സി.എം കോട്ടയം ജില്ലാ പ്രസിഡൻറ്​ പൗലോസ് കടമ്പംകുഴിക്ക്​. ആ ഉറപ്പിൻമേൽ അദ്ദേഹം സുഹൃത്തുമായി ബെറ്റ്​ വെക്കുകയും ചെയ്​തു. ജോസ് കെ മാണിയും സ്റ്റീഫന്‍ ജോര്‍ജും വിജയിക്കുമെന്നും അവർ തോറ്റാൽ ത​െൻറ പാതി മീശ വടിക്കുമെന്നുമായിരുന്നു പൗലോസി​െൻറ ബെറ്റ്​. എന്നാൽ, തെരഞ്ഞെടുപ്പ്​ ഫലം വന്നതോടെ ഇരുവരും പരാജയപ്പെടുകയും ചെയ്​തു. പറഞ്ഞ വാക്ക്​ പാലിച്ച്​ പൗലോസ്​ കടമ്പംകുഴി പാതി മീശ വടിക്കുകയും ചെയ്​തു.

'ഇന്നലെ വന്ന തെരഞ്ഞെടുപ്പില്‍ എ​െൻറ പാര്‍ട്ടി ചെയര്‍മാന്‍ ജോസ് കെ മാണിയും എ​െൻറ നിയോജകണ്ഡലം സ്ഥാനാര്‍ത്ഥി സ്റ്റീഫന്‍ ജോര്‍ജും പരാജയപ്പെട്ടു. എ​െൻറ ഒരു സ്‌നേഹിതനുമായി ഇരുവരുടേയും വിജയം ഉറപ്പാണെന്ന് പറഞ്ഞ് ബെറ്റ് വെച്ചിരുന്നു. ഇവരുടെ പരാജയം ഉള്‍കൊണ്ട് കൊണ്ട് മീശ പാതി വടിച്ചു കളഞ്ഞിരിക്കുകയാണ്. ജീവിതത്തില്‍ ആദ്യമായി മീശവടിച്ചു. ഇതുകൊണ്ടാന്നും തളരില്ല. പരാജയം വിജയത്തി​െൻറ മുന്നോടിയാണ്. ഇന്ത്യയുടെ മുന്‍ പ്രധാനമന്ത്രി പോലും പരാജയപ്പെട്ടിട്ടുണ്ട്. പാഠം ഉള്‍കൊണ്ട് കൊണ്ട് മുന്നോട്ട് വരും. പൊതു പ്രവര്‍ത്തനത്തില്‍ സജീവമായി ഉണ്ടാവും.' -പൗലോസ്​ കടമ്പംകുഴി പ്രതികരിച്ചു.

പാലയില്‍ 11,246 വോട്ടുകളുടെ ഞെട്ടിക്കുന്ന ഭൂരിപക്ഷമായിരുന്നു മാണി സി. കാപ്പന് ലഭിച്ചത്. കാപ്പന് ആകെ 67638 വോട്ടുകള്‍ ലഭിച്ചപ്പോള്‍ ജോസ് കെ മാണിക്ക്​ 52697 വോട്ടുകൾ മാത്രമാണ്​ ലഭിച്ചത്​.