കൈക്കൂലി വാങ്ങിയിട്ടല്ല മന്ത്രിസ്ഥാനം രാജി​വെക്കേണ്ടി വന്നതെന്ന് കെ.ടി. ജലീൽ

തിരുവനന്തപുരം: ഒളിഞ്ഞോ തെളിഞ്ഞോ കൈക്കൂലി വാങ്ങിയിട്ടല്ല തനിക്ക്​ മന്ത്രിസ്ഥാനം രാജി​വെക്കേണ്ടി വന്നതെന്ന് കെ.ടി. ജലീൽ. നയപ്രഖ്യാപനത്തിന്മേലുള്ള നന്ദിപ്രമേയചർച്ചയിൽ പങ്കെടുക്ക​െവയായിരുന്നു അദ്ദേഹത്തിന്‍റെ പ്രതികരണം. സർക്കാർ സ്ഥാപനം മെച്ചപ്പെടുത്താൻ സദുദ്ദേശ്യത്തോടെ ശ്രമിച്ചതിന്‍റെ സാങ്കേതികത്വം ചൂണ്ടിക്കാട്ടിയാണ് കോടതി ഇടപെട്ടത്.

ആവനാഴിയിലെ അവസാന ആയുധവുമെടുത്ത് തന്നെ തോൽപിക്കാനാണ് പ്രതിപക്ഷം ശ്രമിച്ചത്. ലീഗുകാരനായ ചാരിറ്റി മാഫിയാ തലവനെ കോൺഗ്രസുകാരന്‍റെ കുപ്പായമണിയിച്ച് തനിക്കെതിരെ മത്സരിപ്പിച്ചു. ത​െൻറ തോൽവി കണ്ടിട്ട് കണ്ണടക്കാമെന്ന ആഗ്രഹം വാങ്ങി​വെച്ചോളൂ. കൊല്ലാം, പ​േക്ഷ തോൽപിക്കാനാവില്ല. ന്യൂനപക്ഷ സ്കോളർഷിപ് വിഷയത്തിൽ അനാവശ്യ പ്രചാരണമാണ് പ്രതിപക്ഷം നടത്തുന്നത്. എൽ.ഡി.എഫ് സർക്കാറാണ് ഇത് ചെയ്തതെന്ന് പറയുന്ന യു.ഡി.എഫ്, അഞ്ച് കൊല്ലം ഭരിച്ചിട്ടും എന്തുകൊണ്ട് തിരുത്തിയില്ല.

അഴിമതി, സ്വജനപക്ഷപാതം എന്നിവ ചൂണ്ടിക്കാട്ടിയാണ്​ കോടതി ബന്ധുനിയമന വിഷയത്തിൽ ഇട​പെട്ടതെന്ന്​ സണ്ണി ജോസഫ്​ മറുപടി നൽകി. ആ വിധി ഒരാഴ്​ച മുമ്പ്​ വന്നിരുന്നെങ്കിൽ ജലീൽ ഇന്ന്​ നിയമസഭയിലുണ്ടാകില്ല. മുൻകാല പ്രാബല്യത്തോടെ ജലീൽ എം.എൽ.എ സ്ഥാനം രാജിവെക്കണമെന്നും അ​േദ്ദഹം കൂട്ടിച്ചേർത്തു. കുഴലൂതുന്നവരെ കണ്ടിട്ടുണ്ടെങ്കിലും സ്വയം കുഴലായി മാറുന്നവരെ ആദ്യമായാണ്​ കാണുന്നതെന്ന്​ മുസ്​ലിം ലീഗിന്‍റെ പെരിന്തൽമണ്ണ എം.എൽ.എ നജീബ്​ കാന്തപുരം പറഞ്ഞു. ജലീൽ എന്നേ തോറ്റുപോയവനാണെന്നും അദ്ദേഹം കൂട്ടിച്ചേർത്തു.