ലോകായുക്തയുടെ 'പട്ടി' ഉപമക്ക് 'പന്നി' പരാമർശവുമായി കെ.ടി. ജലീൽ

കോഴിക്കോട്: ലോകായുക്ത ജസ്റ്റിസ് സി​റി​യ​ക് ജോ​സ​ഫിന്‍റെ 'പട്ടി' ഉപമക്ക് 'പന്നി' പരാമർശവുമായി മുൻ മന്ത്രി കെ.ടി. ജലീൽ. 'പുലി എലിയായ കഥ: അഥവാ ഒരു പന്നി പുരാണം' എന്ന തലക്കെട്ടിൽ ഫേസ്ബുക്കിൽ പോസ്റ്റ് ചെയ്ത കുറിപ്പിലാണ് ലോകായുക്തക്ക് പരോക്ഷ മറുപടിയുമായി ജലീൽ രംഗത്തെത്തിയത്.

പന്നികൾക്കല്ലെങ്കിലും എല്ലിൻ കഷ്ണങ്ങളോട് പണ്ടേ താൽപര്യമില്ലെന്നും മനുഷ്യ വിസർജ്ജ്യത്തോടാണ് പഥ്യമെന്നും ജലീൽ ഫേസ്ബുക്കിൽ കുറിച്ചു. മനുഷ്യ വിസർജ്ജ്യത്തിൽ കിടന്ന് ഗുസ്തി പിടിച്ച് പുളയാനാണ് പന്നികൾക്ക് ഇഷ്ടമെന്നും ജലീൽ പറയുന്നു.

ജലീലിന്‍റെ ഫേസ്ബുക്ക് പോസ്റ്റ്:

പുലി എലിയായ കഥ: അഥവാ ഒരു പന്നി പുരാണം

പന്നികൾക്കല്ലെങ്കിലും എല്ലിൻ കഷ്ണങ്ങളോട് പണ്ടേ താൽപര്യമില്ല. പണ്ടേക്കുപണ്ടേ മനുഷ്യ വിസർജ്ജ്യത്തോടാണല്ലോ പഥ്യം. അതിൽ കിടന്ന് ഗുസ്തി പിടിച്ച് പുളയാനാണ് അവക്കെപ്പോഴും ഇഷ്ടം. അദ്ധ്വാനിച്ച് തിന്നുന്ന ഏർപ്പാട് മുമ്പേ പന്നികൾക്ക് ഇല്ല. മറ്റുള്ളവർ ഉണ്ടാക്കിയത് നശിപ്പിച്ച് അകത്താക്കലാണ് എക്കാലത്തെയും അവയുടെ ഹോബി.

കാട്ടുപന്നികൾക്ക് ശിപാർശ മാത്രമാണ് ശരണം. പന്നി ബന്ധുക്കളും തഥൈവ. മുബൈയിലെ ആന്ധ്രക്കാരൻ കർഷകന്‍റെ തോട്ടത്തിലെ വിളയെല്ലാം ഒരു കൊളുന്ത പന്നി നശിപ്പിച്ചു.

സ്ഥിരോൽസാഹിയായ പാവം കർഷകന് കൃഷിപ്പണി തന്നെ ഉപേക്ഷിക്കേണ്ടി വന്നു. കൊളീജിയം കർഷകർ സൂക്ഷിക്കുക. പന്നിയും കൊളുന്തയും എറണാകുളത്തും പരിസരത്തും കറങ്ങി നടക്കുന്നുണ്ട്. മുൻകരുതൽ എടുത്തില്ലെങ്കിൽ ആന്ധ്ര കർഷകന്‍റെ ഗതി വരും. ജാഗ്രതൈ.

മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി ദു​രു​പ​യോ​ഗം സം​ബ​ന്ധി​ച്ച കേ​സ്​ പരിഗണിക്കവെയാണ് ലോകായുക്ത 'പട്ടി' ഉപമ പറഞ്ഞത്. 'വ​ഴി​യി​ൽ എ​ല്ല്​ ക​ടി​ച്ചു​ കൊ​ണ്ടി​രി​ക്കു​ന്ന പ​ട്ടി​യു​ടെ അ​ടു​ത്തു​ചെ​ന്നാ​ൽ എ​ല്ല് എ​ടു​ക്കാ​നാ​ണെ​ന്ന് അ​ത്​ ക​രു​തും, പ​ട്ടി എ​ല്ലു​മാ​യി ഗു​സ്തി തു​ട​ര​ട്ടെ' എന്ന് സെക്ഷൻ 14 പ്രകാരം റിപ്പോർട്ട് നൽകാൻ ഇപ്പോഴും അധികാരമുണ്ടെന്ന് ചൂണ്ടിക്കാട്ടുന്നതിനിടെയാണ് ലോകായുക്ത ഉപമ പറഞ്ഞത്.

ലോകായുക്തയുടെ പരാമർശം

'ഞ​ങ്ങ​ൾ ഞ​ങ്ങ​ളു​ടെ ജോ​ലി ചെ​യ്യും, സെ​ക്ഷ​ൻ 14 പ്ര​കാ​രം റി​പ്പോ​ർ​ട്ട് ന​ൽ​കാ​ൻ ഇ​പ്പോ​ഴും അ​ധി​കാ​ര​മു​ണ്ട്​'. നി​യ​മ​ത്തി​ൽ പോ​രാ​യ്മ​യു​ണ്ടെ​ന്ന്​ ക​ണ്ടെ​ത്താ​ൻ 22 വ​ർ​ഷം വേ​ണ്ടി​വ​ന്നോ. തു​ട​ർ​ന​ട​പ​ടി എ​ന്താ​ണെ​ന്ന​ത് പി​ന്നീ​ടാ​ണ്. മാ​ധ്യ​മ​ങ്ങ​ളും രാ​ഷ്ട്രീ​യ​ക്കാ​രും പ​റ​യു​ന്ന​തി​ന് മ​റു​പ​ടി പ​റ​യേ​ണ്ട​തി​ല്ലെ​ന്നും ലോ​കാ​യു​ക്ത പ്ര​തി​ക​രി​ച്ചു. അ​നാ​വ​ശ്യ ച​ർ​ച്ച​ക​ളി​ലേ​ക്ക് പോ​കേ​ണ്ട​തി​ല്ല.

'വ​ഴി​യി​ൽ എ​ല്ല്​ ക​ടി​ച്ചു​ കൊ​ണ്ടി​രി​ക്കു​ന്ന പ​ട്ടി​യു​ടെ അ​ടു​ത്തു​ ചെ​ന്നാ​ൽ എ​ല്ല് എ​ടു​ക്കാ​നാ​ണെ​ന്ന് അ​ത്​ ക​രു​തും, പ​ട്ടി എ​ല്ലു​മാ​യി ഗു​സ്തി തു​ട​ര​ട്ടെ. ലോ​കാ​യു​ക്ത നി​യ​മ​ഭേ​ദ​ഗ​തി നി​ല​വി​ൽ വ​ന്നു​വെ​ങ്കി​ലും ലോ​കാ​യു​ക്ത നി​യ​മ​ത്തി​ലെ വ​കു​പ്പ് 14 പ്ര​കാ​രം തീ​രു​മാ​ന​മെ​ടു​ക്കാ​നു​ള്ള അ​ധി​കാ​രം ലോ​കാ​യു​ക്ത​യി​ൽ തു​ട​ർ​ന്നും നി​ക്ഷി​പ്ത​മാ​ണ്.

ദു​രി​താ​ശ്വാ​സ നി​ധി​യി​ൽ ​നി​ന്ന് ഒ​രു മാ​ന​ദ​ണ്ഡ​വും കൂ​ടാ​തെ ആ​നു​കൂ​ല്യം അ​നു​വ​ദി​ക്കു​ന്ന​ത് സ​ർ​ക്കാ​റു​ക​ൾ തു​ട​ർ​ന്നാ​ൽ എ​ന്താ​കും അ​വ​സ്ഥ'.