ജലീലിനെ മുഖ്യമന്ത്രി സംരക്ഷിക്കുന്നത് രഹസ്യങ്ങൾ പുറത്താകുമെന്നതിനാൽ -എൻ.കെ. പ്രേമചന്ദ്രൻ

തിരൂർ: സി.പി.എമ്മി​​​െൻറ രഹസ്യങ്ങൾ പുറത്താകുമെന്നതിനാലാണ് മന്ത്രി കെ.ടി. ജലീലിനെ മുഖ്യമന്ത്രി സംരക്ഷിക്കുന് നതെന്ന് എൻ.കെ. പ്രേമചന്ദ്രൻ എം.പി. 2016ലെ തെരഞ്ഞെടുപ്പിൽ മുസ്​ലിം തീവ്രവാദ സംഘടനകളുടെ പാലമായി പ്രവർത്തിച്ചത് ജലീലാണ്. തെരഞ്ഞെടുപ്പ് വിജയത്തിന് കാരണം ഇത്തരം സംഘടനകളുമായുള്ള ധാരണയാണ്. ജലീലിനെ പുറത്താക്കിയാൽ ഇതെല്ലാം വെളിപ്പെടുത്തുമെന്ന ഭയമാണ് ജലീലിനെ സംരക്ഷിക്കാൻ കാരണമെന്ന്​ പ്രേമചന്ദ്രൻ മാധ്യമപ്രവർത്തക​േരാട്​ പറഞ്ഞു.

ഇതിലും ചെറിയ കുറ്റം ചെയ്ത ഇ.പി. ജയരാജന് 24 മണിക്കൂറിനുള്ളിൽ മന്ത്രിസ്ഥാനം നഷ്​ടമായി. ശബരിമല വിഷയത്തിൽ കേരള സാമൂഹികാന്തരീക്ഷത്തെ സംഘർഷഭരിതമാക്കിയതി​​​െൻറ പൂർണ ഉത്തരവാദിത്തം സി.പി.എമ്മിനും മുഖ്യമന്ത്രിക്കുമാണെന്നും അദ്ദേഹം കുറ്റപ്പെടുത്തി.