മന്ത്രി ജ​ലീ​ലിന്‍റെ ബ​ന്ധു​നി​യ​മ​നം: വിശദീകരണം തേടി ഹൈകോടതി

കൊ​ച്ചി: ബ​ന്ധു​നി​യ​മ​ന​വു​മാ​യി ബ​ന്ധ​പ്പെ​ട്ട്​ മ​ന്ത്രി കെ.​ടി. ജ​ലീ​ലി​നെ​തി​രെ കേ​സെ​ടു​ക്കാ​ൻ വി​ജി​ല​ൻ​സി​ന് നി​ർ​ദേ​ശം ന​ൽ​ക​ണ​മെ​ന്നാ​വ​ശ്യ​പ്പെ​ടു​ന്ന ഹ​ര​ജി​യി​ൽ കൂ​ടു​ത​ൽ വ്യ​ക്ത​ത തേ​ടി ഹൈ​കോ​ട​തി. ആ​റു​കാ​ര്യ​ത്തി​ൽ ഹ​ര​ജി​ക്കാ​ര​നാ​യ മു​സ്​​ലിം യൂ​ത്ത് ലീ​ഗ് സം​സ്ഥാ​ന ജ​ന​റ​ൽ സെ​ക്ര​ട്ട​റി പി.​കെ. ഫി​റോ​സി​നോ​ട്​​ വി​ശ​ദീ​ക​ര​ണം തേ​ടി​യ ​ജ​സ്​​റ്റി​സ്​ പി. ​ഉ​ബൈ​ദ്​ പ​രാ​തി​യി​ൽ സ്വീ​ക​രി​ച്ച ന​ട​പ​ടി​ക​ൾ അ​റി​യി​ക്ക​ണ​മെ​ന്ന്​ വി​ജി​ല​ൻ​സി​നോ​ടും നി​ർ​ദേ​ശി​ച്ചു.

സം​സ്ഥാ​ന ന്യൂ​ന​പ​ക്ഷ വി​ക​സ​ന ഫി​നാ​ൻ​സ് കോ​ർ​പ​റേ​ഷ​നി​ലെ നി​യ​മ​നം സം​ബ​ന്ധി​ച്ച് മ​ന്ത്രി​ക്കെ​തി​രെ കേ​സെ​ടു​ക്കാ​ൻ വി​ജി​ല​ൻ​സി​ന് നി​ർ​ദേ​ശം ന​ൽ​ക​ണ​മെ​ന്നാ​വ​ശ്യ​പ്പെ​ട്ടാ​ണ്​ ഫി​റോ​സ്​ ഹ​ര​ജി ന​ൽ​കി​യി​രി​ക്കു​ന്ന​ത്. നി​യ​മ​ന​ത്തി​ലെ എ​ന്തെ​ങ്കി​ലും പ്ര​ശ്ന​ങ്ങ​ളെ​യാ​ണോ അ​തോ മ​ന്ത്രി​യെ ആ​ണോ ഹ​ര​ജി​ക്കാ​ര​ൻ ല​ക്ഷ്യ​മി​ടു​ന്ന​തെ​ന്ന്​ വാ​ദ​ത്തി​നി​ടെ കോ​ട​തി വാ​ക്കാ​ൽ ചോ​ദി​ച്ചു. പ്ര​ഥ​മ​ദൃ​ഷ്​​ട്യാ ഹ​ര​ജി​യി​ൽ ക​ഴ​മ്പി​ല്ലെ​ന്ന് വ്യ​ക്ത​മാ​ക്കി​യ കോ​ട​തി തു​ട​ർ​ന്നാ​ണ്​ ആ​റു​കാ​ര്യ​ത്തി​ൽ ഹ​ര​ജി​ക്കാ​ര​നി​ൽ​നി​ന്ന്​ വ്യ​ക്ത​ത തേ​ടി​യ​ത്.

നി​യ​മ​ന​ത്തെ മ​റ്റാ​രെ​ങ്കി​ലും ചോ​ദ്യം ചെ​യ്തി​ട്ടു​ണ്ടോ, നി​യ​മി​ക്കു​ന്ന ആ​ളു​ടെ യോ​ഗ്യ​ത​യി​ൽ ഇ​ള​വ്​ ന​ൽ​കി​യ സ​ർ​ക്കാ​ർ ഉ​ത്ത​ര​വ്​ ആ​രെ​ങ്കി​ലും ചോ​ദ്യം ചെ​യ്തി​ട്ടു​ണ്ടോ, മ​ന്ത്രി​ക്കെ​തി​രെ പ്രോ​സി​ക്യൂ​ഷ​ൻ അ​നു​മ​തി​ക്ക്​ ഹ​ര​ജി​ക്കാ​ര​ൻ സ​ർ​ക്കാ​റി​നെ സ​മീ​പി​ച്ചി​ട്ടു​ണ്ടോ, സാ​ധാ​ര​ണ നി​യ​മ​ന​മാ​ണോ ഡെ​പ്യൂ​ട്ടേ​ഷ​നി​ലു​ള്ള നി​യ​മ​ന​മാ​ണോ ന​ട​ന്നി​രി​ക്കു​ന്ന​ത്, നി​യ​മി​ക്ക​പ്പെ​ട്ട ആ​ൾ നി​യ​മ​വി​രു​ദ്ധ​മാ​യി എ​ന്തെ​ങ്കി​ലും ആ​നു​കൂ​ല്യ​ങ്ങ​ൾ പ​റ്റി​യി​ട്ടു​ണ്ടോ, അ​ഴി​മ​തി ത​ട​യ​ൽ നി​യ​മ​പ്ര​കാ​രം ന‌​ട​പ​ടി സ്വീ​ക​രി​ക്കാ​വു​ന്ന കു​റ്റ​ങ്ങ​ൾ ചെ​യ്തി​ട്ടു​ണ്ടോ തു​ട​ങ്ങി​യ കാ​ര്യ​ങ്ങ​ളി​ൽ വി​ശ​ദീ​ക​ര​ണം ന​ൽ​കാ​നാ​ണ്​ കോ​ട​തി നി​ർ​ദേ​ശി​ച്ച​ത്.

അ​തേ​സ​മ​യം, ഹ​ര​ജി​ക്കാ​ര​ൻ ന​ൽ​കി​യ പ​രാ​തി​യി​ൽ എ​ന്തു​ന​ട​പ​ടി​യാ​ണ്​ വി​ജി​ല​ൻ​സ്​ സ്വീ​ക​രി​ച്ച​തെ​ന്ന്​ കോ​ട​തി ആ​രാ​ഞ്ഞു. ഇ​തു​സം​ബ​ന്ധി​ച്ച്​ സ്വീ​ക​രി​ച്ച ന​ട​പ​ടി​ക​ൾ അ​റി​യി​ക്കാ​ൻ വി​ജി​ല​ൻ​സി​നോ​ട്​ കോ​ട​തി നി​ർ​ദേ​ശി​ച്ചു. തു​ട​ർ​ന്ന്​ ഹ​ര​ജി വേ​ന​ല​വ​ധി​ക്കു​ശേ​ഷം പ​രി​ഗ​ണി​ക്കാ​ൻ മാ​റ്റി.