നിയമസഭയിലെ അനിഷ്​ട സംഭവങ്ങളിൽ കുറ്റബോധം -മന്ത്രി കെ.ടി. ജലീൽ

കല്‍പകഞ്ചേരി: 13ാം നിയമസഭയുടെ ബജറ്റ്​ അവതരണവേളയിലുണ്ടായ അനിഷ്​ട സംഭവങ്ങളിൽ ഒരു അധ്യാപകനായിരുന്ന ത​​​െൻറ ഭാഗത്തുനിന്ന്​ ഉണ്ടാകാൻ പാടില്ലാത്ത കാര്യങ്ങളാണ് സംഭവിച്ചതെന്നും ഇതിൽ സങ്കടവും കുറ്റബോധവുമുണ്ടെന്നും മന്ത്രി കെ.ടി. ജലീൽ.

കൽപകഞ്ചേരി അയിരാനി ജി.എം.എൽ.പി സ്കൂൾ 93ാം വാർഷികാഘോഷവും പ്രധാനാധ്യാപിക കെ.എസ്​. സുഷക്കുള്ള യാത്രയയപ്പ് ചടങ്ങും ഉദ്ഘാടനം ചെയ്യുകയായിരുന്നു മന്ത്രി. വൈകാരികതക്ക് ആര് വഴിപ്പെട്ടാലും ഒരു അധ്യാപകൻ അങ്ങനെയായിക്കൂട. ഒരു നിമിഷത്തെ വൈകാരിക പ്രകടനത്തി​​​െൻറ ഭാഗമായി തന്നിൽ നിന്നുണ്ടായ വീഴ്ച ആവർത്തിക്കാതിരിക്കാൻ ശ്രമിക്കും.

ഓരോ വിദ്യാലയ മുറ്റത്തെത്തുമ്പോഴും അധ്യാപക​​​െൻറ മഹത്വത്തെക്കുറിച്ച് പറയുമ്പോഴും കഴിഞ്ഞുപോയ ഖേദകരമായ സംഭവങ്ങൾ തന്നെ വേട്ടയാടാറുണ്ടെന്നും ജലീൽ പറഞ്ഞു.