കെ.സുരേന്ദ്രന് ഉപാധികളോടെ​ ജാമ്യം; പത്തനംതിട്ട ജില്ലയിൽ പ്രവേശിക്കരുത്​

കൊച്ചി: ശബരിമലയിലെ യുവതിപ്രവേശനവുമായി ബന്ധപ്പെട്ട അക്രമസംഭവങ്ങളെ തുടർന്ന് അറസ്​റ്റിലായ ബി.ജെ.പി സംസ്ഥാന ജ നറൽ സെക്രട്ടറി കെ. സുരേന്ദ്രന്​ ഹൈകോടതി ഉപാധികളോടെ ജാമ്യം അനുവദിച്ചു. ദർശനത്തിനെത്തിയ 52കാരിയെയും ബന്ധുവിനെ യും ആക്രമിച്ച കേസിലാണ്​ ജാമ്യം. കേസി​​​െൻറ ആവശ്യത്തിനല്ലാതെ പത്തനംതിട്ട ജില്ലയിൽ പ്രവേശിക്കരുതെന്ന കർശന നിബ ന്ധനയോടെ രണ്ടുലക്ഷം രൂപയുടെ സ്വന്തം ബോണ്ടും തുല്യ തുകക്കുള്ള രണ്ട് ആൾജാമ്യവുമടക്കം ഉപാധികളോടെയാണ്​ ജസ്​റ ്റിസ്​ രാജ വിജയരാഘവൻ ജാമ്യം അനുവദിച്ചത്​.

നവംബർ ആറിന് ദർശനത്തിനെത്തിയ ലളിത എന്ന 52കാരിയെയും ബന്ധുവായ മൃദുൽകുമാറിനെയും പ്രതിഷേധക്കാർ ആക്രമിച്ച കേസിലാണ് സുരേന്ദ്രനെ അറസ്​റ്റ്​ ചെയ്തത്. ശബരിമലയിലെ പ്രതിഷേധക്കാരുടെ നീക്കങ്ങൾ ബി.ജെ.പി നേതാക്കൾ ഇവിടെ ക്യാമ്പ് ചെയ്ത് നിരീക്ഷിക്കുകയും ആവശ്യമായ നിർദേശങ്ങൾ നൽകി നിയന്ത്രിക്കുകയും ചെയ്​തെന്നാണ്​ കേസ്​. സുരേന്ദ്രനടക്കമുള്ളവർക്കെതിരെ വധശ്രമമുൾപ്പെടെ കുറ്റം ചുമത്തിയിരുന്നു. എന്നാൽ, മർദിച്ചെന്ന് മാത്രമാണ് പരാതിക്കാർ മൊഴി നൽകിയതെന്നും പൊലീസ് ഇതിനെ വധശ്രമമാക്കി മാറ്റിയെന്നുമാണ്​ സുരേന്ദ്ര​​​െൻറ വാദം. വിശ്വാസിയായ താൻ ശബരിമല ദർശനത്തിനെത്തിയതാണെന്നും വാദിച്ചു. ശബരിമലയിൽ സ്വയം സംഘടിച്ച പ്രതിഷേധക്കാർ നടത്തിയ പ്രവൃത്തിയിൽ പങ്കില്ലെന്നും ഹരജിയിൽ പറഞ്ഞു.

അക്രമസംഭവത്തിൽ പങ്കില്ലെന്ന വാദം അംഗീകരിക്കാനാവില്ലെന്ന്​ കോടതി വ്യക്​തമാക്കി. കേസ് ഡയറി പരിശോധിക്കു​േമ്പാൾ ഹരജിക്കാ​ര​​​െൻറ പങ്കാളിത്തം പ്രഥമദൃഷ്‌ട്യാ വ്യക്​തമാണ്. പ്രധാന രാഷ്​ട്രീയ പാർട്ടിയുടെ ഉത്തരവാദിത്തമുള്ള പദവി വഹിക്കുന്നയാൾ രാഷ്​ട്രീയനേട്ടത്തിനു വേണ്ടി ഭരണഘടനവിരുദ്ധമായ ഇത്തരം പ്രവർത്തനങ്ങളിൽ ഏർപ്പെടുന്നത്​ നിർഭാഗ്യകരമാണ്​. നവംബർ 23നാണ് അറസ്​റ്റ്​​ രേഖപ്പെടുത്തിയതെങ്കിലും 17 മുതൽ കസ്​റ്റഡിയിലാണെന്നത്​ പരിഗണിച്ചാണ്​ ജാമ്യം അനുവദിച്ചത്.

മൂന്നു മാസത്തേക്കോ അതിനുമുമ്പ്​ കുറ്റപത്രം നൽകുന്നതുവരെയോ മാസത്തിലെ ആദ്യ തിങ്കളാഴ്ചകളിൽ രാവിലെ പത്തിനും ഒന്നിനുമിടയിൽ അന്വേഷണ ഉദ്യോഗസ്ഥനു മുന്നിൽ ഹാജരാകണം, പാസ്പോർട്ട് കോടതിയിൽ ഹാജരാക്കണം, സാക്ഷികളെ സ്വാധീനിക്കുകയോ ഭീഷണിപ്പെടുത്തുകയോ ചെയ്യരുത്, സമാന കുറ്റകൃത്യങ്ങളിൽ ഏർപ്പെടരുത് തുടങ്ങിയവയാണ്​ മറ്റു​ ജാമ്യവ്യവസഥകൾ. പത്തനംതിട്ടയിൽ പോകേണ്ടതുണ്ടെങ്കിൽ കോടതിയുടെ മുൻകൂർ അനുമതി വാങ്ങണമെന്നും ഉത്തരവിൽ പറഞ്ഞു.