കെ.എസ്​.ആർ.ടി.സിയുടെ സ്കാനിയ ബസുകൾ ഇനി വാടകക്കും

തിരുവനന്തപുരം: കെ.എസ്​.ആർ.ടി.സിയുടെ ടിക്കേറ്റതര വരുമാനം വർധിക്കാൻ ലക്ഷ്യമിട്ട്​ ബസുകൾ സ്വകാര്യ- പൊതുമേഖല - സർക്കാർ സ്ഥാപനങ്ങൾക്ക് വാടകക്ക്​ നൽകുന്നു. ഇതി​െൻറ ഭാ​ഗമായി തിരുവനന്തപുരം വി.എസ്.എസ്.സിയെ ശാസ്ത്രജ്ഞർ ഉൾപ്പെടെയുള്ളവരെ ആന്ധ്രയിലെ ശ്രീഹരിക്കോട്ടയിൽ കൊണ്ടുപോകാൻ നാല്​ സ്കാനിയ ബസുകൾ വാടകക്ക്​ നൽകും. ഏഴിന്​ ആന്ധ്രയിലെ ശ്രീഹരിക്കോട്ടയിൽനിന്ന്​ വിക്ഷേപിക്കുന്ന പി.എസ്​.എൽ.വി സി 49 എന്ന ഉപ​ഗ്രഹ വിക്ഷേപണത്തിൽ പങ്കെടുക്കുന്നതിനാണിത്​.

രാജ്യാന്തരനിലവാരമുള്ള സ്കാനിയ ബസുകളാണ് വി.എസ്.എസ്.സിക്ക് വാടകക്ക്​ നൽകുന്നത്. രാജ്യന്തരനിലവാരമുള്ള മൾട്ടി ആക്സിൽ ആണ് നൽകുക. സ്ഥാപനങ്ങൾക്ക്​ ആവശ്യപ്പെടുന്ന അത്രയും ബസുകൾ വാടകക്ക് കൊടുക്കാൻ തയാറാണെന്ന് അധികൃതർ അറിയിച്ചു. വിവാഹം ഉൾപ്പെടെ ആവശ്യക്കാർക്കും ഇത്തരം ബസുകൾ വാടകക്ക്​ നൽകും.