കെ.എസ്.ആർ.ടി.സി വനിത കണ്ടക്ടറെ തെരുവുനായ് ആക്രമിച്ചു

കൊടുങ്ങല്ലൂർ: കെ.എസ്.ആർ.ടി.സി കൊടുങ്ങല്ലൂർ സബ് ഡിപ്പോയിലെ വനിത കണ്ടക്ടറെ തെരുവുനായ് ആക്രമിച്ചു. കൊടുങ്ങല്ലൂർ - തൃശൂർ മെഡിക്കൽ കോളജ് റൂട്ടിൽ സർവിസ് നടത്തുന്ന ബസിലെ കണ്ടക്ടർ സരിതയാണ് ആക്രമണത്തിനിരയായത്.

ആദ്യ ട്രിപ്പ് കഴിഞ്ഞ് ഡിപ്പോയിൽ എത്തിയപ്പോഴാണ് സംഭവം. കാലിൽ ചെറിയ മുറിവ് പറ്റിയ കണ്ടക്ടർ കൊടുങ്ങല്ലൂർ താലൂക്ക് ആശുപത്രിയിലെത്തി പ്രതിരോധ കുത്തിവെപ്പെടുത്തു.