കെ.എസ്.ആർ.ടി.സി: കഠിനാധ്വാനം ചെയ്തിട്ടും ശമ്പളം ലഭിക്കാത്ത സ്ഥിതി ദയനീയമെന്ന്​ ഹൈകോടതി

കൊ​ച്ചി: ക​ഠി​നാ​ധ്വാ​നം ചെ​യ്തി​ട്ടും ജീ​വ​ന​ക്കാ​ർ​ക്ക് ശ​മ്പ​ളം ല​ഭി​ക്കാ​ത്ത സ്ഥി​തി ദ​യ​നീ​യ​മെ​ന്ന് ​ഹൈ​കോ​ട​തി. ക​ഴി​ഞ്ഞ മാ​സ​ത്തെ ശ​മ്പ​ളം ഇ​തു​വ​രെ ന​ൽ​കാ​ത്ത കെ.​എ​സ്.​ആ​ർ.​ടി.​സി ന​ട​പ​ടി പ​രാ​മ​ർ​ശി​ച്ചാ​ണ്​ ഹൈ​കോ​ട​തി​യു​ടെ വി​മ​ർ​ശ​നം. ഹ​ര​ജി വീ​ണ്ടും പ​രി​ഗ​ണി​ക്കു​ന്ന ജൂ​ലൈ 20ന​കം ശ​മ്പ​ളം ന​ൽ​കി​യി​ല്ലെ​ങ്കി​ൽ കെ.​എ​സ്.​ആ​ർ.​ടി.​സി മാ​നേ​ജി​ങ്​ ഡ​യ​റ​ക്​​ട​ർ ഓ​ൺ​ലൈ​നി​ൽ മു​ഖേ​ന ഹാ​ജ​രാ​യി വി​ശ​ദീ​ക​ര​ണം ന​ൽ​ക​ണ​മെ​ന്നും ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ ഉ​ത്ത​ര​വി​ട്ടു. ശ​മ്പ​ളം കൃ​ത്യ​മാ​യി ന​ൽ​കാ​ൻ നി​ർ​ദേ​ശി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് കെ.​എ​സ്.​ആ​ർ.​ടി.​സി ജീ​വ​ന​ക്കാ​ർ ന​ൽ​കി​യ ഹ​ര​ജി​യാ​ണ് കോ​ട​തി പ​രി​ഗ​ണി​ച്ച​ത്.

ജീ​വ​ന​ക്കാ​ർ ന​ന്നാ​യി ജോ​ലി ചെ​യ്തി​ട്ടും പ്ര​തി​മാ​സം 220 കോ​ടി​യി​ലേ​റെ രൂ​പ വ​രു​മാ​ന​മു​ണ്ടാ​ക്കി​യി​ട്ടും കെ.​എ​സ്.​ആ​ർ.​ടി.​സി ഈ ​സ്ഥി​തി​യി​ൽ എ​ത്തി​യ​ത​ എ​ങ്ങ​നെ​യെ​ന്ന് കോ​ട​തി ചോ​ദി​ച്ചു. കെ.​എ​സ്.​ആ​ർ.​ടി.​സി​യു​ടെ ബാ​ധ്യ​ത പൂ​ർ​ണ​മാ​യി ഏ​റ്റെ​ടു​ക്കാ​ൻ സ​ർ​ക്കാ​ർ ത​യാ​റാ​കാ​ത്ത സാ​ഹ​ച​ര്യ​ത്തി​ൽ എ​ങ്ങ​നെ​യാ​കും ഇ​നി മു​ന്നോ​ട്ടു​പോ​കു​ക? കോ​ട​തി ന​ൽ​കി​യ നി​ർ​ദേ​ശ​ങ്ങ​ളെ​ല്ലാം ബ​ധി​ര​ക​ർ​ണ​ങ്ങ​ളി​ലാ​ണ് പ​തി​ക്കു​ന്ന​ത്. ഒ​രു വ​ർ​ഷ​ത്തി​ലേ​റെ​യാ​യി കോ​ട​തി ഈ ​വി​ഷ​യം പ​രി​ഗ​ണി​ക്കു​ന്നു. ഇ​ങ്ങ​നെ ഇ​നി​യും തു​ട​രാ​നാ​വി​ല്ലെ​ന്ന്​ വ്യ​ക്ത​മാ​ക്കി​യ ​കോ​ട​തി, തു​ട​ർ​ന്നാ​ണ്​ 20ന്​ ​മു​മ്പ്​ ശ​മ്പ​ളം ന​ൽ​കാ​നാ​യി​ല്ലെ​ങ്കി​ൽ എം.​ഡി ഹാ​ജ​രാ​കാ​ൻ ആ​വ​ശ്യ​പ്പെ​ട്ട​ത്.

സ​ർ​ക്കാ​റി​നോ​ട്​ സ​ഹാ​യം തേ​ടി​യി​ട്ടു​ണ്ടെ​ന്നും 30 കോ​ടി ഉ​ട​ൻ ല​ഭി​ക്കാ​ൻ സാ​ധ്യ​ത​യു​ണ്ടെ​ന്നും കെ.​എ​സ്.​ആ​ർ.​ടി.​സി​യു​ടെ അ​ഭി​ഭാ​ഷ​ക അ​റി​യി​ച്ചു. ഉ​ട​ൻ​ത​ന്നെ ഈ ​തു​ക ശ​മ്പ​ള​ത്തി​നാ​യി വി​നി​യോ​ഗി​ക്ക​ണ​മെ​ന്ന് കോ​ട​തി നി​ർ​ദേ​ശി​ച്ചു. ശ​മ്പ​ളം ന​ൽ​കും​ മു​മ്പ് മു​ൻ ബാ​ധ്യ​ത​ക​ൾ തീ​ർ​ക്കാ​നു​ണ്ടാ​യി​രി​ക്കാം. എ​ന്നാ​ൽ, അ​ങ്ങ​നെ ചെ​യ്യു​ന്ന​ത്​ എ​ല്ലാ മാ​സ​വും പ​ത്താം തീ​യ​തി​ക്ക​കം ശ​മ്പ​ളം ന​ൽ​ക​ണ​മെ​ന്ന ഉ​ത്ത​ര​വി​ന്‍റെ ലം​ഘ​ന​മാ​വ​രു​തെ​ന്നും കോ​ട​തി ചൂ​ണ്ടി​ക്കാ​ട്ടി.