ആറ്റിങ്ങലിൽ സ്വിഫ്റ്റ് ബസിന് തീപിടിച്ചു; ബസിലുണ്ടായിരുന്നത് 30 ഓളം യാത്രക്കാർ, ആർക്കും പരിക്കില്ല

തിരുവനന്തപുരം: ആറ്റിങ്ങൽ മാമത്ത് കെ.എസ്.ആർ.ടി.സി സ്വിഫ്റ്റ് ബസിന് തീപിടിച്ചു. കണ്ണൂരിൽ നിന്നും തിരുവനന്തപുരത്തേക്ക് പോവുകയായിരുന്ന സ്വിഫ്റ്റ് ബസാണ് കത്തി നശിച്ചത്.ഇന്ന് രാവിലെ 6.30ഓടെയായിരുന്നു സംഭവം.

മാമത്ത് എത്തിയപ്പോൾ ബസിന്റെ താഴെ ഭാ​ഗത്ത് നിന്നും പുകയുയരുന്നത് ശ്രദ്ധയിൽപ്പെട്ട ഡ്രൈവർ ഉടൻ ബസ് നിർത്തുകയായിരുന്നു. തുടർന്ന് യാത്രക്കാരോട് പുറത്തിറങ്ങാൻ നിർദേശിക്കുകയായിരുന്നു. 30 യാത്രക്കാരാണ് ബസിലുണ്ടായിരുന്നത്. ഇവർ പുറത്തിറങ്ങിയതിന് പിന്നാലെ തീ പടർന്നുപിടിക്കുകയായിരുന്നു.

യാത്രക്കാരെ ഉടൻ പുറത്തിറക്കാനായതിനാൽ ആളപായം ഒഴിവായി. ആറ്റിങ്ങൽ നിന്നുള്ള അ​ഗ്നിശമന സേന യൂണിറ്റ് എത്തി തീയണച്ചു. ഷോർട്ട് സർക്യൂട്ട് ആണ് തീപിടിത്ത കാരണം എന്നാണ് പ്രാഥമിക നി​ഗമനം. ​​സംഭവത്തിൽ വിശദമായ പരിശോധന നടക്കും.