ചർച്ച പരാജയം; ഇന്ന്​ അർധരാത്രി മുതൽ കെ.എസ്​.ആർ.ടി.സി സമരം

തിരുവനന്തപുരം: കെ.എസ്​.ആർ.ടി.സി ജീവനക്കാരുടെ പ്രതിനിധികളുമായി എം.ഡി ടോമിൻ ജെ.തച്ചങ്കരി നടത്തിയ ചർച്ച പരാജയം. ഇന്ന്​ അർധരാത്രി മുതൽ അനിശ്​ചിതകാല സമരം തുടങ്ങുമെന്ന്​ യൂനിയൻ നേതാക്കൾ അറിയിച്ചു.

ശമ്പള പരിഷ്​കരണ റിപ്പേ ാർട്ട്​ ഗതാഗത സെക്രട്ടറിയിൽ നിന്ന്​ ലഭിച്ചിട്ടില്ലെന്നാണ്​ എം.ഡി ചർച്ചയിൽ നിലപാട്​ സ്വീകരിച്ചത്​. എന്നാൽ റിപ്പോർട്ട്​ നൽകിയിട്ടുണ്ടെന്നാണ്​ സെക്രട്ടറി അറിയിച്ചത്​. കെ.എസ്​.ആർ.ടി.സിയെ തകർക്കാൻ ചിലർ ഗൂഢാലോചന നടത്തുന്നുണ്ടെന്നും യൂനിയൻ പ്രതിനിധികൾ ആരോപിച്ചു.