കെ.എസ്​.ആർ.ടി.സിയിൽ പ്രതിസന്ധി തുടരുന്നു; 400ഓളം സർവീസുകൾ മുടങ്ങി

തിരുവനന്തപുരം: ​എം.പാനൽ ഡ്രൈവർമാരെ ദിവസവേതനക്കാരായി നിയമിക്കരുതെന്ന ഹൈകോടതി ഉത്തരവിനെ തുടർന്നുണ്ടായ പ്രതിസന്ധി കെ.എസ്​.ആർ.ടി.സിയിൽ ഇന്നും തുടരുന്നു. ഏകദേശം 400ഓളം സർവീസുകളാണ്​ ഇന്ന്​ മുടങ്ങിയത്​. സർവീസുകൾ മുടങ്ങുന്നത്​ ഒഴിവാക്കാൻ ദിവസവേതനാടിസ്ഥാനത്തിൽ ഡ്രൈവർമാരെ നിയമിക്കാമെന്ന്​ ഡിപ്പോകൾക്ക്​ കെ.എസ്​.ആർ.ടി.സി നിർദേശം നൽകിയിരുന്നു. എന്നാൽ, ഇതിനും കാര്യമായ പ്രതികരണമില്ലെന്നാണ്​ റിപ്പോർട്ടുകൾ.

തി​ര​ക്കു​ള്ള ദി​വ​സ​ങ്ങ​ളി​ൽ ഡി​പ്പോ​ക​ൾ കേ​ന്ദ്രീ​ക​രി​ച്ച്​ ദി​വ​സ​ക്കൂ​ലി​ക്ക്​ പ​രി​ച​യ​സ​മ്പ​ന്ന​രും നി​ശ്ചി​ത യോ​ഗ്യ​ത​യു​മു​ള്ള ഡ്രൈ​വ​ർ​മാ​രെ നി​യ​മി​ക്കാ​നാ​ണ്​ കഴിഞ്ഞ ദിവസം കെ.എസ്​. ആർ.ടി.സി നിർദേശം നൽകിയത്​. അ​വ​ധി ദി​വ​സം അ​ടു​ത്ത​തോ​ടെ വേ​ഗ​ത്തി​ൽ കു​റ​വ്​ നി​ക​ത്താ​നു​ള്ള നീ​ക്ക​മാ​ണ്​ ന​ട​ക്കു​ന്ന​ത്. ഇ​തി​നാ​യി​ ഡ്രൈ​വ​ർ​മാ​രെ ആ​വ​ശ്യ​പ്പെ​ട്ട്​ ഡി​പ്പോ​ക​ളി​ൽ നോ​ട്ടീ​സ്​ പ​തി​ച്ചിരുന്നു. ബ​സ് സർവീസ്​ മു​ട​ങ്ങാ​തി​രി​ക്കാ​ൻ വേണ്ട ഡ്രൈ​വ​ര്‍മാ​രെ ഒാ​രോ ദി​വ​സ​ത്തേ​ക്കും നി​യോ​ഗി​ക്കാ​നു​ള്ള അ​ധി​കാ​ര​വും യൂ​നി​റ്റ് ഓ​ഫി​സ​ര്‍മാ​ര്‍ക്ക് ന​ല്‍കിയിരുന്നു.

ദീർഘദൂര സർവീസുകൾ മുടങ്ങിയിട്ടില്ലെന്നാണ്​ റിപ്പോർട്ടുകൾ. ലോക്കൽ സർവീസുകളാണ്​ റദ്ദാക്കിയതിൽ ഭൂരിഭാഗവും. സർവീസുകൾ റദ്ദാക്കുന്നത്​ മൂലം വൻ നഷ്​ടമാണ്​ കെ.എസ്​.ആർ.ടി.സിക്ക്​ ഉണ്ടാവുന്നത്​.