മഴ: കെ.എസ്.ആർ.ടി.സി സർവ്വീസ് റൂട്ട് മാറ്റം

കോഴിക്കോട്​: കാലവർഷം മൂലം വയനാട് ചുരം വഴി പോയിരുന്ന ദീർഘ ദൂര സർവ്വീസുകൾ നാളെ മുതൽ കുറ്റ്യാടി ചുരം വഴി സർവ്വീസ് നടത്താൻ​ ഗതാഗത മന്ത്രിയുടെ നേതൃത്വത്തിൽ കോഴിക്കോട് നടന്ന യോഗത്തിൽ തീരുമാനിച്ചു. കണ്ണൂർ - മാക്കൂട്ടം വഴി സർവീസ് നടത്തിയിരുന്ന ബസുകൾ മാനന്തവാടി - കുട്ട വഴി പോകും. അടിവാരത്ത് വെള്ളം കുറയുന്നതിനനുസരിച്ച്​ ഓർഡിനറി സർവ്വീസുകൾ ചിപ്പിലി തോട് വരെ സർവ്വീസ് നടത്തും. വയനാട്ടിൽ നിന്നുള്ള ബസുകൾ ചിപ്പിലി തോട് വരെ വരുമെന്നും തീരുമാനിച്ചിട്ടുണ്ട്​.