കെ.എസ്​.ആർ.ടി.സി: ശമ്പളം നൽകി; ആനുകൂല്യങ്ങൾ വിതരണം ചെയ്​തു തുടങ്ങി

തിരുവനന്തപുരം: കെ.എസ്​.ആർ.ടി.സി ജീവനക്കാർക്ക്​ ശമ്പളം നൽകിയതിന്​ പിന്നാ​​ലെ ഓണം ആനുകൂല്യങ്ങളുടെ വിതരണവും ആരംഭിച്ചു. താൽക്കാലിക ജീവനക്കാർക്ക്​ 1000 രൂപയും സ്ഥിരം ജീവനക്കാർക്ക്​ 2750 രൂപയുമാണ്​ ഓണാനുകൂല്യം. ഇതിനുപുറ​െമ സ്ഥിരം ജീവനക്കാര്‍ക്ക് 7500 രൂപവീതം ശമ്പള അഡ്വാൻസും നൽകിത്തുടങ്ങിയിട്ടുണ്ട്​.

പെൻഷൻകാർക്ക്​ ജൂലൈ മാസത്തെ പെൻഷൻ വ്യാഴാഴ്ച അക്കൗണ്ടിലെത്തി. അതേസമയം ആഗസ്റ്റ്​ ​മാസത്തെ പെൻഷൻ കുടിശ്ശികയാണ്​. ഒപ്പം 1000 രൂപ ഉത്സവബത്തയും നൽകിയിട്ടില്ല. കുടിശ്ശികയും ഉത്സവബത്തയും നൽകിയില്ലെങ്കിൽ തിരുവോണദിവസം സെക്ര​േട്ടറിയറ്റിന്​ മുന്നിലും ജില്ലകളിൽ അതത്​ യൂനിറ്റുകളിലും പ്രതിഷേധപരിപാടി സംഘടിപ്പിക്കാനാണ് പെൻഷൻകാരുടെ തീരുമാനം.