കെ.എസ്.ആര്.ടി.സി ശമ്പള പ്രശ്നം: മന്ത്രിതല ചര്ച്ച മാറ്റി
text_fieldsതിരുവനന്തപുരം: കെ.എസ്.ആര്.ടി.സി പരിഹരിക്കുന്നതിന് തൊഴിലാളി സംഘടനകളുമായി മന്ത്രി ആന്റണി രാജു ശനിയാഴ്ച നടത്താനിരുന്ന ചര്ച്ച മാറ്റിെവച്ചു. തിങ്കളാഴ്ച നടന്നേക്കും. സാമ്പത്തിക പ്രതിസന്ധിയുടെ പേരില് ഗഡുക്കളായി ശമ്പളം നല്കുന്നതിനെ തൊഴിലാളി സംഘടനകള് ഒന്നടങ്കം എതിര്ക്കുന്ന പശ്ചാത്തലത്തിലാണ് അംഗീകൃത ട്രേഡ് യൂനിയനുകളെ മന്ത്രി ചര്ച്ചക്ക് ക്ഷണിച്ചത്. കഴിഞ്ഞയാഴ്ച ചര്ച്ച നടന്നെങ്കിലും സമവായത്തിലെത്തിയിരുന്നില്ല.
ശമ്പളവിതരണം ഗഡുക്കളായി തുടരാനാണ് തീരുമാനമെങ്കില് സമരം ശക്തമാക്കാനും പണിമുടക്കാനുമാണ് പ്രതിപക്ഷ തൊഴിലാളി സംഘടനകളുടെ തീരുമാനം. ടി.ഡി.എഫും ബി.എം.എസും പൊതുസമരമുന്നണി പരിഗണിക്കുന്നുണ്ട്. ഏപ്രില് അഞ്ചിനാണ് മാര്ച്ചിലെ ശമ്പളം നല്കേണ്ടത്. ഗഡുക്കളായിട്ടാണെങ്കില് പണിമുടക്കാനാണ് തീരുമാനം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.