Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകെ.എസ്​.ആർ.ടി.സി പെൻഷൻ...

കെ.എസ്​.ആർ.ടി.സി പെൻഷൻ ഫെബ്രുവരി 20 മുതൽ നൽകും

text_fields
bookmark_border
കെ.എസ്​.ആർ.ടി.സി പെൻഷൻ ഫെബ്രുവരി 20 മുതൽ നൽകും
cancel

തിരുവനന്തപുരം: കെ.എസ്​.ആർ.ടി.സിയിലെ പെൻഷൻ കുടിശ്ശിക 20 മുതൽ വിതരണം ചെയ്യാൻ തീരുമാനം. സഹകരണബാങ്കുകളുടെ കൺസോർട്യം വഴിയുള്ള പെൻഷൻ വിതരണം 28ന്​ പൂർത്തിയാക്കാനും ധാരണയായതായി മന്ത്രി കടകംപള്ളി സുരേന്ദ്രൻ അറിയിച്ചു. ബജറ്റ്​ വിഹിതമായി കെ.എസ്​.ആർ.ടിക്ക്​ അനുവദിച്ച 1000 കോടിയിൽനിന്നാണ്​ കൺസോർട്യം വായ്​പ തിരിച്ചടക്കുക. 10 ശതമാനം പലിശ നിരക്കിൽ ആറ്​ മാസ​ത്തേക്കാണ്​ സഹകരണസ്​ഥാപനങ്ങൾ പണം നൽകുന്നത്​. 

കൺസോർട്യം രൂപവത്​കരണത്തിന്​ മുന്നോടിയായി പെൻഷൻ പദ്ധതിക്ക്​ സന്നദ്ധത അറിയിച്ച സഹകരണബാങ്ക്​ പ്രതിധിധികളുടെ യോഗം മ​ന്ത്രിയുടെ അധ്യക്ഷതയിൽ ​ബുധനാഴ്​ച ദർബാർ ഹാളിൽ ചേർന്നിരുന്നു. പലിശയും തിരിച്ചടവും സംബന്ധിച്ച കാര്യത്തിൽ പ്രതിനിധികൾ ആശങ്ക പ്രകടിപ്പ​ിച്ചെങ്കിലും സർക്കാർ ഗ്യാരണ്ടിയു​െണ്ടന്നും യാതൊരു സംശയവു​ം വേണ്ടെന്നും മന്ത്രി മറുപടി നൽകി. സംസ്ഥാന സഹകരണബാങ്കിനെ കണ്‍സോർട്യം ലീഡറാക്കി സംസ്ഥാനത്തെ പ്രാഥമിക കാര്‍ഷിക വായ്പ സംഘങ്ങളെ ഉള്‍പ്പെടുത്തി പെന്‍ഷന്‍ വിതരണത്തിന് ആവശ്യമായ തുക സമാഹരിക്കാനുള്ള തീരുമാനത്തിന് പ്രതീക്ഷിച്ചതിനെക്കാള്‍ വലിയ പിന്തുണയാണ് ലഭിച്ചതെന്നും മന്ത്രി പറഞ്ഞു. 223 സഹകരണസംഘങ്ങളാണ്​ സ്വയം സന്നദ്ധമായി മുന്നോട്ടുവന്നത്​. 832 കോടി രൂപയാണ്​ ഇവരുടെ വാഗ്​ദാനം. ആദ്യഘട്ടത്തില്‍ ഇത്രയും തുക ആവശ്യമില്ലാത്തതിനാല്‍ നാല്​ ജില്ലകളിലെ 24 സംഘങ്ങളില്‍നിന്ന് മാത്രം പണം സമാഹരിക്കാനാണ്​ തീരുമാനം. 250 കോടി രൂപയാണ് കണ്‍സോർട്യം ഇപ്രകാരം ആദ്യം സമാഹരിക്കുന്നത്. 

കുടിശ്ശികയും ആറ്​ മാസത്തേക്കുള്ള പെൻഷനുമായി 584 കോടി രൂപ മതിയാകും. പത്ത്​ ശതമാനം പലിശനിരക്കിൽ ലഭിക്കുന്ന 21.7 കോടിയടക്കം 605.70 കോടി രൂപയാണ്​ സഹകരണ കൺസോർട്യത്തിന്​ തിരികെ ലഭിക്കുക. 39045 പെൻഷൻകാർക്കായി 219.69 കോടി രൂപയാണ്​ ആദ്യഘട്ട വായ്​പയായി നൽകുന്നത്​. ഇത്​ 701 സഹകരണസംഘങ്ങൾ വഴിയാണ്​ വിതരണം ചെയ്യുക. ആദ്യ ഗഡുവിൽ ഏറ്റവും കൂടുതൽ തുക​ ചെലവഴിക്കുന്നത്​ 12266 പെൻഷൻകാരുള്ള തിരുവനന്തപുരം ജില്ലയിലാണ്​. കുടിശ്ശികയടക്കം 70.31 കോടി രൂപയാണ്​ ഇവിടെ വേണ്ടിവരിക. പെന്‍ഷന്‍തുക നേരത്തേ ലഭിച്ചിരുന്ന ബാങ്ക് ബ്രാഞ്ചുകളുടെ സമീപത്തുള്ള സഹകരണബാങ്കിലോ സംഘങ്ങളിലോ പെന്‍ഷന്‍കാര്‍ അക്കൗണ്ട് തുടങ്ങേണ്ടതുണ്ട്. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pensionkerala newskadakampally surendraneconomic crisis
News Summary - KSRTC pension will distribute from Feb 20- Kerala news
Next Story