ഓണത്തിരക്ക്​: ദീർഘദൂര സർവിസുകളിൽ നിരക്ക്​ കൂട്ടി കെ.എസ്​.ആർ.ടി.സി

തി​രു​വ​ന​ന്ത​പു​രം: ഓ​ണ​ക്കാ​ല​ത്തെ തി​ര​ക്കി​ൽ ക​ണ്ണു​വെ​ച്ച്​ എ.​സി അ​ട​ക്കം ദീ​ർ​ഘ​ദൂ​ര സ​ർ​വി​സു​ക​ളി​ൽ നി​ര​ക്ക്​ കൂ​ട്ടി കെ.​എ​സ്.​ആ​ർ.​ടി.​സി. ആ​ഗ​സ്റ്റ്​-​സെ​പ്​​റ്റം​ബ​ർ മാ​സ​ങ്ങ​ളി​ലെ യാ​ത്ര​ക്കാ​രു​ടെ വ​ർ​ധ​ന പ​രി​ഗ​ണി​ച്ചാ​ണ്​ തി​ര​ക്ക്​ കൂ​ടു​മ്പോ​ൾ നി​ര​ക്കും കൂ​ടു​ന്ന 'ഫ്ല​ക്സി' സം​വി​ധാ​നം​ ഏ​ർ​പ്പെ​ടു​ത്തി​യ​ത്.

കെ.​എ​സ്.​ആ​ർ.​ടി.​സി​യു​ടെ​യും സ്വി​ഫ്​​റ്റി​ന്‍റെ​യും കീ​ഴി​ലെ ദീ​ർ​ഘ​ദൂ​ര സ​ർ​വി​സു​ക​ൾ​ക്കാ​ണ്​ വ​ർ​ധ​ന ബാ​ധ​ക​മാ​വു​ക. സ്വ​കാ​ര്യ ബ​സു​ക​ളു​​ടെ ക​ഴു​ത്ത​റ​പ്പ​ൻ ചാ​ർ​ജി​ൽ​നി​ന്ന്​ ആ​ശ്വാ​സം പ്ര​തീ​ക്ഷി​ച്ച്​ കെ.​എ​സ്.​ആ​ർ.​ടി.​സി​യെ ആ​ശ്ര​യി​ക്കാ​ൻ കാ​ത്തി​രു​ന്ന​വ​ർ​ക്കാ​ണ്​ പു​തി​യ തീ​രു​മാ​നം പ്ര​ഹ​ര​മാ​വു​ക. നി​ല​വി​ലെ സ​ർ​വി​സു​ക​ൾ, ഉ​ത്സ​വ സീ​സ​ണി​ലെ അ​ധി​ക സ​ർ​വി​സു​ക​ൾ എ​ന്നി​ക്കെ​ല്ലാം ഫ്ല​ക്സി​ നി​ര​ക്ക്​ ബാ​ധ​ക​മാ​ക്കി​യി​ട്ടു​ണ്ട്. ഓ​ൺ​ലൈ​ൻ ടി​ക്ക​റ്റു​ക​ൾ​ക്ക്​ ഇ​പ്പോ​ൾ ന​ൽ​കു​ന്ന 30 ശ​ത​മാ​നം നി​ര​ക്കി​ള​വ്​ ഉ​ണ്ടാ​കി​ല്ല.

പ്ര​​​ത്യേ​ക സ​ർ​വി​സു​ക​ളാ​യി ന​ട​ത്തു​ന്ന എ.​സി ബ​സു​ക​ളി​ലെ മാ​ന്വ​ൽ ടി​ക്ക​റ്റി​ന്​​ 20 ശ​ത​മാ​നം വ​ർ​ധ​ന​യാ​ണു​ണ്ടാ​വു​ക. ഓ​ൺ​ലൈ​ൻ ടി​ക്ക​റ്റു​ക​ൾ​ക്ക്​ 30 ശ​ത​മാ​നം നി​ര​ക്കി​ള​വി​ല്ലെ​ന്ന്​ മാ​ത്ര​മ​ല്ല, 10 ശ​ത​മാ​നം അ​ധി​ക​നി​ര​ക്കു​മു​ണ്ടാ​കും. എ​ക്സ്​​പ്ര​സ്-​ഡീ​ല​ക്സ്​ മാ​ന്വ​ൽ ടി​ക്ക​റ്റു​ക​ൾ​ക്ക്​ 20 ശ​ത​മാ​നം അ​ധി​ക ചാ​ർ​ജ്​​ ന​ൽ​ക​ണം. ഓ​ൺ​ലൈ​ൻ ടി​ക്ക​റ്റു​ക​ൾ​ക്ക്​ 10 ശ​ത​മാ​ന​വും.

എ.​സി സ​ർ​വി​സ്​ മാ​ന്വ​ൽ ടി​ക്ക​റ്റു​ക​ൾ​ക്ക്​ സാ​ധാ​ര​ണ നി​ര​ക്കി​ന്‍റെ 10 ശ​ത​മാ​നം വ​ർ​ധ​ന​യാ​ണ്​ വ​രു​ത്തി​യ​ത്. ഓ​ൺ​ലൈ​ൻ ടി​ക്ക​റ്റു​ക​ൾ​ക്ക്​ 30 ശ​ത​മാ​നം നി​ര​ക്കി​ള​വ്​ ഒ​ഴി​വാ​ക്കി. എ​ക്സ്​​പ്ര​സ്​-​ഡീ​ല​ക്​​സ്​ ബ​സു​ക​ളി​​ലെ മാ​ന്വ​ൽ ടി​ക്ക​റ്റു​ക​ൾ​ക്ക്​ 15 ശ​ത​മാ​നം വ​ർ​ധ​ന​യു​ണ്ടാ​കും. ഓ​ൺ​ലൈ​ൻ ടി​ക്ക​റ്റു​ക​ൾ​ക്ക്​ അ​ഞ്ച്​ ശ​ത​മാ​നം അ​ധി​ക നി​ര​ക്കും.