റാങ്ക് പട്ടികയിലെ 2455 പേർക്ക് നിയമനം നൽകണം -കെ.എസ്.ആർ.ടി.സിയോട് ഹൈകോടതി

കൊച്ചി: 2016 ഡിസംബർ 31ന് കാലാവധി തീർന്ന റാങ്ക് ലിസ്റ്റിൽനിന്ന് താത്കാലിക ഡ്രൈവർമാരെ നിയമിക്കാൻ ഹൈകോടതി ഉത്തരവ്. 2455 പേർക്ക് നിയമനം നടത്താനാണ് ഹൈകോടതി ഉത്തരവ്.

യോഗ്യത അനുസരിച്ചുള്ള കാര്യങ്ങൾ എത്രയും പെട്ടെന്ന് കോടതിയെ അറിയിക്കണമെന്ന് പി.എസ്.സിക്ക് നിർദേശമുണ്ട്. ഒഴിവനുസരിച്ച് ഉദ്യോഗാർഥി ആവശ്യപ്പെടുന്ന സ്ഥലങ്ങളിൽ നിയമനം നൽകണമെന്നും കോടതി നിർേദശിച്ചിട്ടുണ്ട്.

റാങ്ക് ലിസ്റ്റിൽ ഉൾപ്പെട്ടവരെ നിയമിക്കുന്നില്ല എന്ന ആക്ഷേപം ഉന്നയിച്ചുള്ള ഹരജി നേരത്തെ മുതൽ കോടതിയുടെ പരിഗണനയിലുണ്ടായിരുന്നു.