കെ.എസ്.ആർ.ടി.സി ജീവനക്കാരുടെ ഒക്ടോബർ മാസത്തെ മുഴുവൻ ശമ്പളവും വിതരണം ചെയ്തു

തിരുവനന്തപുരം: കെ.എസ്.ആർ.ടി.സി ജീവനക്കാരുടെ ഒക്ടോബർ മാസത്തെ മുഴുവൻ ശമ്പളവും വിതരണം ചെയ്തുവെന്ന് മാനേജിങ് ഡയറക്ടറുടെ കാര്യാലയം അറിയിച്ചു. ഇന്ന് രണ്ടാം ഗഡു വായി സംസ്ഥാന സർക്കാർ സഹായമായി നൽകിയ 20 കോടി രൂപയും കെ.എസ്.ആർ.ടി.സി യുടെ ഓവർ ഡ്രാഫ്റ്റിൽ നിന്നെടുത്ത 19 കോടി രൂപയും ചേർത്ത് 39 കോടി രൂപയാണ് ശമ്പളമായി നൽകിയത്.