കെ.എസ്​.ആർ.ടി.സി ജീവനക്കാർ സമരത്തിൽ നിന്ന്​ പിൻമാറണം - ടോമിൻ തച്ചങ്കരി

തിരുവനന്തപുരം: വിവിധ ആവശ്യങ്ങൾ ഉന്നയിച്ച്​ കെ.എസ്​.ആർ.ടി.സി ജീവനക്കാർ സമരത്തിൽ നിന്ന്​ പിൻമാറണമെന്ന്​ എം.ഡി ട ോമിൻ ജെ.തച്ചങ്കരി. ജീവനക്കാർ ഉന്നയിച്ച കാര്യങ്ങളിൽ മറുപടി നൽകിയിട്ടുണ്ട്​. സർക്കാർ കൂടി നിലപാട്​ സ്വീകരിക്ക േണ്ട കാര്യങ്ങൾ അവരെ അറിയിക്കുകയും ചെയ്​തു​. അതി​​​െൻറ പശ്​ചാത്തലത്തിൽ ജീവനക്കാർ സമരത്തിൽ നിന്ന്​ പിൻമാറുമെന ്നാണ്​ കരുതുന്നതെന്നും തച്ചങ്കരി മാധ്യമങ്ങളോട്​ പറഞ്ഞു. ജീവനക്കാർ അനിശ്​ചിതകാല സമരം പ്രഖ്യാപിച്ച സാഹചര്യത ്തിൽ പ്രതിനിധികളുമായി ചർച്ച നടത്തിയ ശേഷം സംസാരിക്കുകയായിരുന്നു അദ്ദേഹം.

എംപാനലുകാരെ ഘട്ടംഘട്ടമായി ഉ​ൾക്കൊള്ളാനാണ്​ സർക്കാറി​​​െൻറ ആഗ്രഹം. സിംഗിൾ ഡ്യൂട്ടി പാറ്റേണുമായി ബന്ധപ്പെട്ട്​ ഗതാഗത സെക്രട്ടറിയുടെ റിപ്പോർട്ട്​ വന്നിട്ടില്ല. എന്നാലും അതി​​​െൻറ അന്തഃസത്ത മനസിലാക്കി നടപ്പാക്കാവുന്ന തീരുമാനങ്ങൾ നടപ്പാക്കിയിട്ടുണ്ട്​. ബാക്കിയുള്ളവ ഉടൻ നടപ്പാക്കുമെന്ന്​ ജീവനക്കാരെ അറിയിച്ചിട്ടുണ്ട്​.

ശമ്പള പരിഷ്​കാരം സർക്കാർ തീരുമാനിക്കേണ്ടതാണ്​. ആവശ്യങ്ങളിൽ ചർച്ച നടത്തി യോഗങ്ങളിൽ തീരുമാനമെടുക്കണം. ജീവനക്കാരുടെ ആവശ്യങ്ങളിൽ കൂടുതൽ കാര്യങ്ങൾ സർക്കാർ തീരുമാനമെടുക്കേണ്ടതാണ്​. അതിനായി സർക്കാറിന്​​ കത്ത്​ നൽകിയിട്ടുണ്ട്​. ഇത്തരം പുരോഗമനപരമായ നടപടികൾ സ്വകീരിച്ചിട്ടുള്ളതിനാൽ അനിശ്​ചിതകാല പണിമുടക്കിൽ നിന്ന്​​ പിൻതിരിയണമെന്ന്​ ജീവ​ക്കാരോട്​ ആവശ്യപ്പെട്ടു​. നിലവിൽ ഒരു പണിമുടക്ക്​ താങ്ങാനുള്ള ശേഷി കെ.എസ്​.ആർ.ടി.സിക്ക്​ ഇല്ല.

കെ.എസ്​.ആർ.ടി.സി മാറ്റത്തി​​​െൻറ പാതയിലാണ്​. ഒരു ദിവസം ഒരു കോടി വരുമാനമുണ്ടാക്കുന്ന പദ്ധതി തയാറായിട്ടുണ്ട്​. വരുമാനം കൂട്ടിയശേഷം ശമ്പളം കൂട്ടിക്കോളൂവെന്നാണ് സർക്കാറും പറയുന്നത്​​​. അതിനിടയിൽ ഇങ്ങനെ സമരം നടത്തരുതെന്നും തച്ചങ്കരി ആവശ്യ​െപ്പട്ടു.