ജീവനക്കാരുടെ എതിർപ്പ്​, സിംഗിൾ ഡ്യൂട്ടി നടപ്പാക്കൽ ഒരാഴ്​ചത്തേക്ക്​ മാറ്റി

തിരുവനന്തപുരം: കെ.എസ്.ആര്‍.ടി.സിയില്‍ ഡ്രൈവര്‍, കണ്ടക്ടര്‍ വിഭാഗം ജീവനക്കാർക്ക്​ ഏപ്രിൽ ഒന്നുമുതൽ പ്രഖ്യാപിച്ചിരുന്ന സിംഗിൾ ഡ്യൂട്ടി സംവിധാനം നടപ്പാക്കുന്നത് താൽക്കാലികമായി​ മാറ്റിവെച്ചു. സംഘടനകൾ എതിർപ്പുന്നയിച്ച സാഹചര്യത്തിൽ ഇവരുടെ അഭിപ്രായമാരായുന്നതിന്​ വേണ്ടിയാണ്​ ഒരാഴ്​ചത്തേക്ക്​ പുതിയ ക്രമീകരണത്തിന്​ ഇളവ്​ നൽകിയത്​. ശനിയാഴ്​ച എം.ഡിയുടെ അധ്യക്ഷതയിൽ ചേർന്ന സംഘടനകളുടെ യോഗത്തിലാണ്​ ഇത്​ സംബന്ധിച്ച്​ തീരുമാനമെടുത്തത്​. സിംഗിൾ ഡ്യൂട്ടി സംബന്ധിച്ച്​ ട്രേഡ്​ യൂനിയനുകൾ അഞ്ച്​ ദിവസത്തിനുള്ളിൽ നിർദേശങ്ങളും അഭിപ്രായങ്ങളും എഴുതി സമർപ്പിക്കണം. ഇതുകൂടി പരിഗണിച്ച്​ ആവശ്യമായ മാറ്റങ്ങൾ വരുത്തിയാകും ക്രമീകരണം ഏർപ്പെടുത്തുകയെന്ന്​ എം.ഡി വ്യക്​തമാക്കി. 

ഒറ്റദിവസം കൊണ്ട്​ എല്ലാ ഷെഡ്യൂകളും സിംഗിൾ ഡ്യൂട്ടിയിലേക്ക്​ മാറ്റുന്നത്​ അശാസ്​ത്രീയമാണെന്നും ആവശ്യമായ പഠനം നടത്തിയ ശേഷമേ സംവിധാനം നടപ്പിലാക്കാവൂ എന്നും എ.​െഎ.ടി.യു.സി ആവശ്യപ്പെട്ടു. ദീർഘദൂര സർവിസുകളിൽ വനിത​കളെയടക്കം കണ്ടക്​ടർമാരായി നിയമിക്കുന്നുണ്ട്​. എട്ട്​ മണിക്കൂർ കഴിഞ്ഞ്​ ഡ്യൂട്ടി മാറിയാൽ ഇവർക്ക്​ വിശ്രമിക്കാനടക്കമുള്ള സൗകര്യമൊരുക്കണം. നിലവിൽ അതിനുള്ള ക്രമീകരണങ്ങളില്ല. ചെയിൻ സർവിസുകൾ സിംഗിൾ ഡ്യൂട്ടിയിലേക്ക്​ മാറുന്നതോടെ സർവിസുക​ളുടെ എണ്ണം കുറയുകയും വരുമാനത്തെ ബാധിക്കുകയും ചെയ്യും. മെക്കാനിക്കൽ, മിനിസ്​റ്റീരിൽ വിഭാഗങ്ങളിൽ ഏർപ്പെടുത്തിയ ഡ്യൂട്ടി പരിഷ്​കരണം ഗുണകരമാണോ എന്ന്​ പരി​േശാധിക്കണമെന്നും​ യോഗത്തിൽ ആവശ്യമുയർന്നു. ഇക്കാര്യം പരിശോധിക്കാമെന്ന്​ എം.ഡി വ്യക്​തമാക്കി.

കലക്​ഷ​​​െൻറ അടിസ്​ഥാനത്തിൽ ഡ്യൂട്ടി നിശ്ചയിക്കുന്ന സംവിധാനത്തിനെതിരെ ജീവനക്കാരുടെ പരാതിയിൽ കോടതി ഇടപെടലുണ്ടായ സാഹചര്യത്തിലാണ് ഏപ്രിൽ ഒന്നുമുതൽ എല്ലാ ഷെഡ്യൂളുകളും സിംഗിൾ ഡ്യൂട്ടിയിലേക്ക്​ മാറ്റാൻ തീരുമാനിച്ചത്​. ഒരു ഡ്യൂട്ടിയില്‍ എട്ടുമണിക്കൂറാണ് സ്​റ്റിയറിങ് അവേഴ്‌സ് (നിശ്ചിതദൂരം പിന്നിടാന്‍ അനുവദിച്ചിട്ടുള്ള സമയം). പുതിയസംവിധാനം നിലവിൽവന്നാൽ ഡബിള്‍ ഡ്യൂട്ടിയുടെ പേരില്‍ കിട്ടുന്ന അവധി ദിനങ്ങളില്‍ മറ്റുജോലികള്‍ ചെയ്തിരുന്നവർ കുടുങ്ങും. ആഴ്ചയില്‍ കുറഞ്ഞത് ആറുദിവസമെങ്കിലും ജോലിക്ക് എത്തേണ്ടിവരും. ജീവനക്കാരുടെ എണ്ണം ദേശീയശരാശരിയിലേക്ക് കുറയും. സ്ഥിരജീവനക്കാരെക്കൊണ്ടുമാത്രം നിലവിലെ ഷെഡ്യൂളുകള്‍ ഓടിക്കാന്‍പറ്റും.