നടുറോട്ടിൽ ബസ് തടഞ്ഞുനിർത്തി; കെ.എസ്.ആര്‍.ടി.സി കണ്ടക്ടർക്ക് സ്വകാര്യ ബസ് ജീവനക്കാരുടെ ക്രൂര മര്‍ദനം

കാസര്‍കോട്: അഞ്ചാംമൈലില്‍ കെ.എസ്.ആര്‍.ടി.സി കണ്ടക്ടറെ സ്വകാര്യ ബസ് ജീവനക്കാർ മര്‍ദിച്ചു. കാസര്‍കോട് – ബന്തടുക്ക റൂട്ടിലോടുന്ന കെ.എസ്.ആര്‍.ടി.സി ബസിലെ കണ്ടക്ടർ ലിബിന്‍ വര്‍ഗീസിനാണ് മര്‍ദനമേറ്റത്. സമയക്രമവുമായി ബന്ധപ്പെട്ട തര്‍ക്കത്തെ തുടർന്നാണ് മര്‍ദനം.

ഇന്ന് രാവിലെ എട്ടരയോടെയാണ് സംഭവം. അ‍ഞ്ചാംമൈലില്‍ കെ.എസ്.ആർ.ടി.സി ബസിനു കുറുകെ സ്വകാര്യ ബസ് നിര്‍ത്തിയാണ് ജീവനക്കാരനെ മര്‍ദിച്ചത്. മര്‍ദനമേറ്റ ലിബിന്‍ ബേ‍ഡകം ജനറല്‍ ആശുപത്രിയില്‍ ചികില്‍സ തേടി.