പമ്പയിലെ അഗ്നിരക്ഷസേനയുടെ വാഹനങ്ങളില്‍ കെ.എസ്.ആര്‍.ടി.സി ബസ് ഇടിച്ചു

ശബരിമല: അഗ്നിശമന സേനയുടെ പമ്പയിലെ ഗാരേജില്‍ പാർക്ക് ചെയ്തിരുന്ന വാഹനങ്ങളില്‍ കെ.എസ്.ആർ.ടി.സി ബസ് ഇടിച്ചു. വ്യാഴാഴ്ച പുലർച്ച അഞ്ചരക്കാണ് സംഭവം. ഗാരേജില്‍ പാർക്ക് ചെയ്തിരുന്ന രണ്ട് ജീപ്പുകൾക്കും ഫസ്റ്റ് റെസ്‌പോണ്‍സ് വെഹിക്കിളിനും കേടുപാട് സംഭവിച്ചു.

നിലക്കലിൽനിന്ന് തീർഥാടകരുമായി എത്തിയ ചെയിൻ സർവിസ് ബസാണ് അപകടത്തിന് ഇടയാക്കിയത്. ഇടിയുടെ ആഘാതത്തില്‍ ഗാരേജിന്റെ താൽക്കാലിക മേല്‍ക്കൂര തകർന്ന് വാഹനങ്ങള്‍ക്ക് മേൽ വീണു. സംഭവസമയം ഗാരേജിന് സമീപം ആരും ഇല്ലാതിരുന്നതിനാൽ വൻ അപകടം വഴിമാറി.